wrapper

Etxebiden izena emanda daudenek abenduaren 5era arteko epea dute Esklabetako zuzkidura-etxeetan izena emateko

Etxebiden izena emanda daudenek abenduaren 5era arteko epea dute Esklabetako zuzkidura-etxeetan izena emateko

Eusko Jaurlaritzak gaur argitaratu du Euskal Herriko Agintaritzaren Aldizkarian Azpeitiko Esklabak komentu zaharrean gazteentzako 48 zuzkidura-bizitoki alokairuan esleitzeko prozesua hasteko agindua. Izena emateko epea asteazken honetan (azaroak 22) hasiko da, eta abenduaren 5era arte egongo da zabalik. Kontuan hartu behar da dagoeneko Etxebideren alokairu-araubideko eskatzaileen erregistroan alta emanda daudenek bakarrik eman dezaketela izena Esklabetako zuzkidura-etxeetan.

Leer más
Elkarretaratzea eta hitzaldiak izango dira Azaroaren 25aren bueltan

Elkarretaratzea eta hitzaldiak izango dira Azaroaren 25aren bueltan

Larunbatean izango da Emakumeen Kontrako Indarkeriaren Aurkako Nazioarteko Eguna, eta Azpeitiko Udalak hainbat ekimen prestatu ditu herriko elkarte eta eragileekin elkarlanean. Larunbatean bertan izango da horietako lehena: 12:00etan, elkarretaratzea egingo da plazan, Denon Bizitzak Erdigunean plataformako kideek antolatuta. Ondoren, azaroaren 30eko greba feminista orokorrera atxikitzeko argazki erraldoia aterako da.

Leer más
Hiru ikastetxeetako ikasleak, elkarrekin zumitzezko jolasgune  bizi bat osatzen

Hiru ikastetxeetako ikasleak, elkarrekin zumitzezko jolasgune bizi bat osatzen

Zumitzezko jolasgune bat osatzeko prozesuan murgildu dira Karmelo Etxegarai, Ikasberri eta Iraurgiko LH5 eta LH6 mailetako ikasleak. Loiolako bideko belardian kokatuko da, eta haurrek beraiek diseinatu eta erabakiko dute nolakoa izango den gunea; emaitzak bezainbesteko garrantzia izango du prozesuak berak.

Leer más
Jolasaren garrantziaz arituko dira azaroaren 23an

Jolasaren garrantziaz arituko dira azaroaren 23an

Azaroaren 23an, Jolasaren garrantzia haurtzaroan hitzaldia izango da Basazabal jauregian, 18:00etan. Jolasaren bueltan, hainbat gai landuko dituzte. Alde batetik, haurren komunikatzeko moduetako bat jolasa dela kontuan hartuz, haien bizitzetan zer leku izan behar duen azalduko dute. Bestetik, haurren egunerokotasunean jolasa zergatik den hain garrantzitsua kontatuko dute; horrez, gain, gurasoek haurren jolasean izan beharreko rolaz arituko dira.

Leer más
Kantuz gogoratuko dute Joanes Antxieta larunbatean

Kantuz gogoratuko dute Joanes Antxieta larunbatean

Joanes Antxieta musikari azpeitiarraren heriotzaren bosgarren mendeurreneko ekitaldian barruan, kontzertua izango da larunbatean, Frantziskanetako elizan. Urko Sangroniz zuzendariaren gidaritzapean, han izango dira Vandalia ahotsak, Bilboko Koral Elkarteko Euskeria Korua, Azpeitiko Julian Barrenetxea abesbatza, eta Azketa eta Parrokiko abesbatzak. 19:00etan hasiko da emanaldia. 

Leer más
LGTBI+ pertsonen errealitateak ezagutu eta herri bizigarriagoa  lortzeko egitasmoa hasi du udalak

LGTBI+ pertsonen errealitateak ezagutu eta herri bizigarriagoa lortzeko egitasmoa hasi du udalak

Eihera kooperatibaren laguntzaz, herriko LGTBI+ pertsonen errealitateak ezagutu eta ekintza-plan bat osatu nahi du Azpeitiko Udalak. Helburua da pertsona horien bizi baldintzak hobetu ahal izateko neurri eta politika zehatzak diseinatu ahal izatea.

Egitasmoak hainbat fase izango ditu: hasteko, herriko LGTBI+ pertsona, eragile feminista, elkarte eta norbanako ezberdinekin bilduko dira Eiherako teknikariak, kolektiboaren behar, aldarrikapen eta ikuspegiak jasotzeko. Ondoren, udaleko sailekin lan-saioak egingo dira, administrazioaren barruan dauden muga, zailtasun eta aukerak arakatzeko. Azkenik, egindako ibilbidearen berri eman, eta sortutako neurri eta politiken aurkezpena egingo da.

Leer más
Ikasketen homologazioari buruzko saioa izango da azaroaren 20an

Ikasketen homologazioari buruzko saioa izango da azaroaren 20an

Azaroaren 20an, astelehena, 15:30ean, Azpeitiko Udalak antolatuta, atzerriko ikasketen homologaziorako informazio saioa eskainiko dute Bidez Bide elkarteko kideek. Beren jatorrizko herrialdeetan egindako ikasketak baliozkotu nahi dituzten pertsonei bideratutako saioa da. Hau da, ikasketak egin izanaren agiriaren onarpen ofiziala nola lortu azalduko da.

Leer más
Perretxikoko aparkalekua, berriro zabalik

Perretxikoko aparkalekua, berriro zabalik

Urriaren erdialdean hasi zituzten Perretxikoa izenez ezagutzen zen eraikina eraisteko lanak (Jose Artetxe kalean), eta, ordutik, itxita egon da eraikinaren ondoko aparkalekua. Behin botata, berriro ere autoak aparkatzeko aukera egongo da.

Gune horretan, adinekoentzako zentroa egingo da, baina lanak hasi bitartean aparkalekua izaten jarraituko du. 

Leer más
​ Nafarroako hilketa matxista salatzen du udalak

​ Nafarroako hilketa matxista salatzen du udalak

Nafarroan eraildako 7 urteko haurraren hilketa salatu nahi du udalak. Indarkeria bikarioko kasua dela egiaztatuko balitz, hamabi lirateke 2003tik Euskal Herrian bortxa matxistaren ondorioz hildako haurrak. Hildakoaren senitarteko zein gertukoei bere elkartasuna adierazteaz gain, hilketa salatzeko mugimendu feministak antolatu ditzakeen mobilizazioekin bat egiten du udalak.

Leer más
Eguraldiagatik, astelehenera atzeratu dituzte Oñazko errepideko lanak

Eguraldiagatik, astelehenera atzeratu dituzte Oñazko errepideko lanak

Eguraldi txarra dago iragarrita biharko, eta Gipuzkoako Foru Aldundiak astelehenera (azaroak 13) atzeratu ditu Oñazko errepideko lanak. Astelehenean, asfaltatze lanak egingo dituzte GI-3181 errepideko 2,850 eta 2,890 KP-en artean. Lan horiek egiteko, errepidea itxita egingo da ordu tarte batzuetan.

Hain zuzen ere, 9:00etatik 13:00etara eta 14:30etik eta 18:00etara arituko dira lanean, eta bizilagunei goizeko lehenengo orduan, eguerdian eta lanak bukatutakoan bakarrik utziko zaie handik igarotzen.

Leer más

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information