Noticias - Ayuntamiento de Azpeitia

27/02/2024

Itxi egin dute GI-631 errepidea Ezkuzta parean

Udaltzaingoak aholkatu du ibai ondoan dauden lur azpiko garaje guztietatik ateratzeko ibilgailuak. Iraurgi ikastetxearen Santutxoko eraikineko aparkalekua irekita egongo da hara eraman ahal izateko ibilgailuak.

26/02/2024

Gernikako arbolaren kimu bat landatu dute Foru Pasealekuan

Joan den azaroaren 22an, haizeak bota zuen Done Jakue kalean zegoen Gernikako arbola. Zuhaitz historikoa zen, duela ehun urte baino gehiago landatu baitzuten. Imanol Eliasen Efemerideak liburuan ageri denez, 1905ean ekarri zuten Gernikako arbolaren kimua herrira, eta 1912an erabaki zuten Done Jakuen jartzea.

Zuhaitza erori egin zela jakin ostean, herritar batek Azpeitiko Udalari jakinarazi zion etxean Gernikako arbolaren bi kimu zituela, eta prest zegoela bat emateko udalak landa zezan.

26/02/2024

Martxoaren 4an zabalduko dute igeriketako ikastaroetan izena emateko epea

Martxoaren 4tik 8ra bitartean izango da hirugarren hiruhilekoko ikastaroetan izena emateko epea. Hiruhileko horretan, haurtxo txikien igeriketa ikastaroa ere eskainiko dute, larunbatetan.

22/02/2024

Hasi dira kalistenia parkea egiten

Kirol azpiegituren eskaintza zabala du Azpeitiak; gero eta kirol mota gehiago praktikatzeko aukera dago herrian. Azpiegituren zerrenda horretan, beste bat izango du laster. Izan ere, herritar talde baten eskaerari erantzunez, kalistenia parkea egiten hasi da udala Loiolako Ignazio Etorbidean.

21/02/2024

Markesina berriak jarriko dituzte Julian Elortzako eta Tren Museoko geltokietan

Egoera txarrean zeuden bi autobus geltokiak, eta aste honetan kenduko dituzte. Berriak, berriz, datorren astean jartzea aurreikusten dute. Bien bitartean, karpa bat eta eserleku bat jarriko ditu udalak geltokietan, jendea aterpean egon dadin autobusaren zain.

19/02/2024

Energia fakturak ulertzen laguntzeko tailerra egingo dute asteazkenean

Herritar askorentzat nahasgarriak izaten dira argindar eta gas fakturak, kosta egiten baita faktura horietan ageri diren kontzeptu batzuk ulertzea. Fakturak ondo ulertzea, ordea, beharrezkoa da norbere kontratu eta kontsumoei buruzko erabaki zuzenak hartzeko.

15/02/2024

Otsailaren 29ra arte eman daiteke izena Lilatoirako autobusean

Martxoaren 3an izango da Lilatoia, Donostian, eta Azpeitiko Udalak autobusa antolatuko du joateko. 08:30ean aterako da anbulatorio aurretik; itzulerako autobusa, berriz, 14:00etan izango da Donostian.

12/02/2024

Azpeitiko Udalak dei egiten die herritarrei arratsaldean izango den elkarretaratzean parte hartzera

Azpeitiko herriak ez du indarkeria matxistarik onartzen. Horregatik, atzo gure herrian izandako sexu erasoen berri izan ostean, eta arreta egokia bideratu zaiela ziurtatu eta gero, Azpeitiko Udalak erabaki du inauterietako programazioa bertan behera uztea eta elkarretaratzera deitzea gaur, 18:30ean, plazan.

09/02/2024

Karnabaletako hainbat ekitaldi, eguraldiaren mende

Eguraldi iragarpenen arabera, euria egingo du gaur arratsaldean, eta Euskal Inauterien jaialdia Izarraitz pilotalekuan egingo dute Azpeitiko Ikastola Ikasberri Kooperatibako ikasleek. 18:30ean hasiko da ekitaldia, baina euririk ez badu ari, aurretik (18:00etan elkartuta), kalejiran joango dira San Martin egoitzatik pilotalekura.

08/02/2024

0-3 urte arteko etapari buruzko hitzaldia izango da otsailaren 15ean

Treba Gurasoak egitasmoa Gipuzkoako Foru Aldundiak eta Azpeitiko Udalak elkarlanean antolatutako ekimena da. Ekimen horretako hurrengo hitzaldia otsailaren 15ean, 18.00etan, izango da, Azoka Plazako aretoan. Hitzaldiaren izenburua Oinarri sendoak 0-3 urte bitartean izango da, eta Nerea Mendizabalek eskainiko du.

wrapper