- 10/01/2024
Haur filosofia tailerra egingo dute larunbatean
Urtea hastearekin bat, berriro ere ekingo diete haurren filosofia tailerrei. Larunbatean izango da hurrengo saioa, Basazabal Formakuntza Zentroan, 17:00etatik 18:30era. LH3tik LH6ra arteko ikasleek izaten dute parte hartzeko aukera, eta Jakinmin Praktika Filosofikoen Elkarteak egiten ditu dinamizazio lanak.
Leer más- 08/01/2024
Dagoeneko eman daiteke izena banderaren igoera edo jaitsiera udaletxeko balkoitik ikusteko zozketan
Danborjolez eta ikuslez beteta, ederra egon ohi da Azpeitiko plaza sansebastianetako banderaren igoeran nahiz jaitsieran. Ikuspegi horretaz gozatzeko tokirik egokienetakoa da udaletxeko balkoia, eta, aurreko urteetan bezala, zozketa egingo du udalak une horietan udaletxean egon nahi duten herritarren artean. Zortzi laguni eta haiek aukeratutako beste pertsona banari (zortzi bikote) emango die horretarako aukera.
Leer más- 05/01/2024
Eguraldiaren eraginez, ibilbide laburragoa egingo dute erregeek
Eguraldi txarra dagoela ikusita, Errege Magoen kabalkadaren ibilbidea laburtzea erabaki du udalak. 19:00ak aldera aterako dira igerilekutik, eta zuzenean plazara etorriko dira.
Leer más- 05/01/2024
Aurrez Aurre taldeak badu logoa
Herriko hiru ikastetxetako 723 ikaslek hartu dute parte lehiaketan, eta Arhane Goenagak egindako marrazkia aukeratu dute.
Leer más- 04/01/2024
Urtarrilaren 8tik aurrera, itxita egongo da 1766ko Matxinada kalea ibilgailuentzat
Anbulatorio ondoko zubiaren irisgarritasuna hobetzeko lanei ekingo die udalak astelehenean. Lanek bi hilabete eta erdiko iraupena izatea aurreikusten da; ondorioz, epe horretan, trafikoa itxita egongo da ibilgailuentzat.
Leer más- 03/01/2024
Jantziak eta karrozak estreinatuko dituzte Errege Magoek
Jantzi berriekin iritsiko dira Meltxor, Gaspar eta Baltasar errege magoak, aurten, Azpeitira. Horrez gain, karroza dotore berri banaren gainean egingo dute kalez kaleko ibilbidea.
Leer más- 28/12/2023
Inar optikak irabazi du 12. Erakusleiho Lehiaketa
Zein baino zein ederrago daude egunotan Azpeitiko dendetako erakusleihoak. Izan ere, 29 saltokik parte hartu dute Azpeitiko Udalak eta Bertan merkatari elkarteak antolatzen duten erakusleiho lehiaketan. Sari nagusia Inar optikarentzat izan da, eta bigarren eta hirugarren geratu dira, hurrenez hurren, Kotoi mertzeria eta Irene Altuna loradenda.
Leer más- 20/12/2023
Udal eraikin, denda eta tabernetako telefonoak erabili ahal izango dituzte gaztetxoek, mugikorra izateko adina atzeratzeko
Mugikorra izateko adina atzeratzeko helburuarekin, Aurrez Aurre taldeak, Azpeitiko Udalak eta Bertan merkatarien elkarteak egitasmo berri bat jarri dute martxan. Beharra dutenean, udal eraikin, saltoki eta ostalaritzako guneetako telefonoetatik deitzeko aukera emango zaie gaztetxoei, mugikorra erabiltzeko edo gainean eramateko premiarik izan ez dezaten. Egitasmoarekin bat egiten duten saltokiek pegatina bat izango dute erakusleihoan. Sartu eta telefonoa eskatu, besterik ez dute egin behar gaztetxoek.
Leer más- 19/12/2023
Haurren ilusioa areagotzera dator Gabonetako aisialdi eskaintza
Urtez urte, gero eta zabalagoa da Azpeitiko Udalak eta herriko eragileek Gabon garairako prestatzen duten aisialdi eskaintza. Ilusio handiko egunak izaten dira herriko haur eta gaztetxoentzat, eta egun horiek are bereziago egitea da udalaren nahia. Horregatik, Mari Domingiren eta Olentzeroren etorreraz nahiz Errege Magoen kabalgataz gain, beste hainbat jardueraz gozatzeko aukera egongo da abenduaren 23tik urtarrilaren 7ra bitartean.
Leer más- 19/12/2023
Ura moztuko dute Garmendigainetik Urrestillara arteko tartean
Garmendigain industrialdetik hasi eta Urrestillara arte (biak barne), ur hornidura moztuta egongo da gaur arratsaldean, 15:30etik 17:00etara.
Leer más