wrapper

Oharrak

Arrazakeria eta Xenofobiaren Aurkako Egunaren inguruko adierazpena

Arrazakeria eta Xenofobiaren Aurkako Egunaren inguruko adierazpena

Martxoaren 21ean, Arrazakeriaren eta Xenofobiaren Kontrako Nazioarteko Eguna ospatzen da. Egun hori xenofobia, gertakari arrazistak eta horien iturburuak salatzen dira eguna izan ohi da Euskal Herrian zein nazioartean.

Gure gizartea ezin da ulertu aniztasuna aintzat hartu gabe, ezta ere kontuan hartu gabe urteetan zehar beste herri eta nazioetan jatorria duten euskal herritarrek gure herria eraikitzeko egindako ekarpenik gabe.

Aniztasun hori dela eta, edozein herritar diskriminatzeko saiakerek edo herritar horien eskubideak urratzeko edozein jarrera arrazistak beti izango ditu aurrean Udalaren erantzuna eta salaketa.

Egun honen harira, Azpeitiko Udalak honakoa adierazi nahi du:

1. Herrian bizi diren pertsona guztiak dira azpeitiarrak, edonon jaioak izanda ere.

2. Arrazakeriaren eta xenofobiaren kontra lan egiten jarraitzeko konpromisoa berretsi nahi dugu; eta herritar guztion aukera berdintasuna eta ezberdin izateko eskubidea bermatzeko lanean jarraituko dugu.

3. Gure herria aniztasunetik eraikitzen jarraitzeko konpromisoa berretsi nahi dugu, eta hori herritar guztiekin batera egingo dugu. Edozein dela ere bere jaioterria, eskubide guztiak aitortu eta behar adina bermatuz, nola politikoak eta zibilak, hala babes eta aterpe eskubideak, eskubide ekonomiko eta sozialak, kultur eskubideak eta hizkuntz eskubideak zein betebeharrak.

4. Azpeitiko Udalak lanean jarraituko du gure herriko eta Euskal Herriko jatorri eta kultura aniztasuna balore positibo gisa onartua izan eta gizarte kohesio bilaka dadin, bizikidetza bultzatzeko eta errazteko elkarren aitortzan eta errespetuan oinarritutako politikak sustatuz.

5. Gure determinazioari eutsiko diogu aniztasun, migrazio eta naziotasun politika propioak Euskal Herrian bizi garen guztion artean, nola kudeatu nahi ditugun erabakitzeko eta definitzeko eskubidea aldarrikatzeko. Baita herri gisa hartutako erabakiak, arlo honetan ere, Estatu Espainol zein Frantsesari errespeta ditzaten eskatzeari ere.

6. Azpeitiko Udalak deia egin nahi die herritar guztiei Arrazakeriaren eta Xenofobiaren Kontrako Nazioarteko Eguna dela eta, aniztasunetik ere, herri gisa erabakitzeko eskubidearen alde egiteko.

Bukatzeko, herriko hainbat eragilek egun honen harira antolatutako ekintzetan parte hartzeko deia egiten die Udalak herritarrei; batez ere, martxoaren 21ean, 19:00etan, plazan, egingo den elkarretaratzearekin bat egiteko.

Leer más
Gaikako bilketak 22 puntu egin zuen gora 2017tik 2018ra Azpeitian

Gaikako bilketak 22 puntu egin zuen gora 2017tik 2018ra Azpeitian

Urola erdiko Mankomunitatearentzat urte garrantzitsua izan da 2018a. Herriz herri, udalek eta mankomunitateak adostuta bilketa sistema guztiak aldatzeko prozesua bukatu da, eta horrek hondakin bilketan aurrerapauso handia ekarri du. "Martxoan bukatu genuen sisteman aldatzeko prozesua, ondoren produktore handien bilketa jarri genuen martxan, eta azkenik industriaguneetan gaikako bilketa jarri genuen martxan. Aurrerapauso handiak eman ditugu, eta hori emaizatn nabari da. Hala, 2017an gaina %58a biltzetik %68a biltzera pasatu da mankomunitatea", adierazi du Aitor Bereziartua Mankomunitateko Lehendakariak. Azpeitiak saltoa handia izan da 2018an, %47 gaika biltzetik %69 jasotzera pasatu baita. 

Leer más
2019ko kultur sortzaile berrientzako bekak eskatzeko epea zabalik da apirilaren 12a arte

2019ko kultur sortzaile berrientzako bekak eskatzeko epea zabalik da apirilaren 12a arte

Laugarren urtez jarraian, kultur sortzaile berriak bultzatzeko, laguntzeko eta sortzeko beka abian da. Apirilaren 12a bitartean aurkez daitezke proiektuak Azpeitiko Udalaren Herritarren Arreta Zerbitzuan. Aurten, 12.000€ko diru poltsa jarri du Udalak. 

Leer más
Adierazpen Instituzionala

Adierazpen Instituzionala

Azpeitiko Udalak, Emakumeen Nazioarteko Eguna dela eta adostutako Adierazpen Instituzionala. 

Leer más
Karnabal ikusgarriak

Karnabal ikusgarriak

Karnabal ikusgarriak izan dira aurtengoak. Eguraldi ezin hobea izan da asteburu luze osoan, eta ostiraletik hasi eta atzo bitartean, izan da zer ikusia kaleetan. Pozik da Mikel Ibarzabal Festa Batzordeburua karnabalek eman dutenekin: "Ostiraletik hasi eta atzo bitartean jende mordoa ibili da kalean, eta jende izugarri ibili da elegante jantzita eta mozorrotuta. Benetan ikusgarria izan da. Gainera, festetako ohiko normaltasuna izan da egun hauetan", adierazi du. 

Leer más
Molde berriko etxebizitzak eraikitzeko prozesua abiatuko du Udalak

Molde berriko etxebizitzak eraikitzeko prozesua abiatuko du Udalak

Etxebizitza komunitarioak, kooperatiboak... hamaika eredutako etxebizitzak eraikitzeko aukera aztertu, parte hartzaileen artean adostu eta egitea da helburua. 'Azpeitia, elkarrekin bizi' prozesuan parte hartuko duten herritarrek adostutako hori ahalik eta eperik motzenean abian jartzeko konpromisoa du Udalak. Lehen bilera irekia martxoaren 26an, 19:00etan Sanagustin kulturgunean izango da. Bertan, egitasmoaren nondik norakoak azaltzeaz gain, Euskal Herriko zein munduko hainbat eredu ezagutzeko aukera izango da. 

Leer más
Memoria historikoa eta hurbila, sarean

Memoria historikoa eta hurbila, sarean

Azpeitiko Udalak memoria historikoa eta hurbila ikertzeko, eta ezagutarazteko hartutako konpromisoarekin jarraitzen du, eta, bide horretan, gaur Aranzadi elkarteak egindako bi libururen web bertsioa aurkeztu du. 'Azpeitia 1936-1945' eta '1960-2017' liburuak sareratu ditu Digitalidadeak, "memoria aztertu, zabaldu eta egiarekin Udalak duen konpromisoa berresteko". Bi webguneak Azpeitiko Udalaren webgunearen bidez kontsultatzeko aukera izango da. 

Leer más
Ekintzaz beterik datoz karnabalak!

Ekintzaz beterik datoz karnabalak!

Larunbatean, kaldereroen etorrerak eta atzo Udal Musika bandaren karnabaletako kontzertuak karnaball giroa ekarri dute Azpeitira. Ostiraletik asteartera, ekintzaz betetako festa egunak izango dira Azpeitian. Ikusi egitaraua

Leer más
Basazabaleko gelak erabilgarri daude herritarrentzat

Basazabaleko gelak erabilgarri daude herritarrentzat

Urtarrilaren 25ean inauguratu zen Basazabal Jauregia, eta hasi da eguneroko bere martxa hartzen. Ireki denetik hainbat ikastaro eta jardunaldi izan dira bertan, eta lehen asteak igarota, herritarrentzako erabilgarri jarri ditu gelak Udalak.

Basazabaleko Formazio Zentroak bi solairu eta hainbat gela ditu erabilgarri. Hori dela eta, Azpeitiko Udalak herriko eragile eta taldeei, Sindikatu Zaharrean zein Baigerako aretoan egiten den bezala, bilera, hitzaldi zein formazio saioak antolatzeko aukera eskaini nahi die, bere ohiko ordutegiaren barruan.

Leer más
Babestutako 67 etxebizitza gehiago eraiki eta molde berriko etxebizitzak egiteko prozesuak jarriko ditu abian Udalak

Babestutako 67 etxebizitza gehiago eraiki eta molde berriko etxebizitzak egiteko prozesuak jarriko ditu abian Udalak

Azpeitiko Udalak etxebizitza beharra "erreala dela" ikusita, babestutako etxebizitza gehiago eraikitzeko prozesua jarri du abian. Hala, Esklabak Iturzulo eremuko bigarren fasea jarriko du abian, eta Alde Zaharrean etxebizitza gehiago eraikitzeko aukera aztertuko du. Horretaz gain, nahi eta behar desberdinei erantzuteko molde eta diseinu desberdinetako etxebizitzak hasiera-hasieratik modu parte hartzailean diseinatzeko prozesua jarriko du martxan datozen asteetan, batez ere gazteei zuzenduta. 

Leer más

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information