Sanjuandegiko festetan, eraso matxistei aurre egiteko kanpaina berezia jarriko dute Azpeitiko Udalak, Emakume Txokoak eta Emakume Mahaiak, elkarlanean. Iaz, lehen aldiz, izan zen eta aurten, zerbitzua indartuta, ostiral eta larunbatean eskainiko da zerbitzua. Herritarrak gustura libre eta seguru festaz gozatzeko helburuarekin egingo da kanpaina. Festa giroan erasoen inguruko sentsibilizazioa egin, informazioa eskaini eta arreta zerbitzua eskainiko da horretarako. Baigera II. aren aurrean, erasorik gabeko gunea ere jarriko da, bertan gaian adituak diren pertsonak izango dira erasoen inguruko informazio eta kezkak argitzen, aholkatzen eta laguntza eskaintzen.
Eraso matxista gabeko gunea
Kanpaina abian jartzearekin batera, edozein erasoren aurrean arretarako telefonoak ere gogorarazi nahi ditu erakundeak:
- Gizarte Zerbitzuak: 943 15 72 92
- Udaltzaingoa: 092 edo 943 15 13 13
- Ertzaintza: 943 08 37 80
- Emakumeen Txokoa: 688 751 000
- Parekidetasun saila: 943 15 79 28
-Satevi (24h informazio eta arreta zerbitzua): 900 840 111
