Iristear dira Sanjuandegiko festak eta haur eta gaztetxoentzako tiobiboak ere, urtero bezala epaitegi aurreko aparkalekuan izango dira. Maiatzaren 26an irekiko dituzte eta ekainaren 4ra bitartean izango dira bertan.
Azken urteotan bezala, aniztasun funtzionala duten herritarrak kontuan izanda, hainbat egokitzapen izango dira. Hala, tiobiboak 17:00etan izango dute irekiera ordua, eta 18:00ak bitartean ez da musikarik izango. Horretaz gain, maiatzaren 28an eta ekainaren 3an 11:00etatik 12:00etara eta maiatzaren 27 eta ekainaren 4an 16:00etatik 17:00etara aniztasun txartela duten pertsonek eta beren familiek soilik muntatu ahalko dute barraketan.
Umeen Eguna
Ohi bezala, bakarrak dauden bitartean, Umeen eguna egingo da. Ekainaren 1ean izango da zehazki. Egun horretan, 17:00etatik 22:00etara bitartean 1€ balioko du barraketako buelta bakoitzak.
