Azaroaren 26an, larunbata, 18:00etan, estreinatuko da 'Kastellanuek' dokumentala. Piztu duen ikusmina izugarria izan da; ostiralean jarri ziren estreinaldirako gonbidapenak eskuragarri eta dagoeneko agortu dira. Hori ikusirik, datorren astelehenerako, azaroaren 28rako, bigarren emanaldia antolatu da. Saioa 21:00etan hasiko da Soreasu antzokian. Bi emanaldietarako sarrera doakoa izango da baina norberak aurrez gonbidapenak eskuratu behar ditu online edo Sanagustin kulturgunean aurrez aurre ( etxez etxe bidalitakoa herritarrak estreinaldiaz informatzeko eskuorria da, ez gonbidapena).
Hilabete luzez Azpeitiaren historiari justizia egiteko momentua izango da. Francoren diktadura garaian, batez ere 50 eta 60. hamarkadan Azpeitira etorritako migranteen testigantzak eta kontakizunik intimoenak biltzen dituen dokumentala da. Azpeitiko Udalaren ekimenez osatu da dokumentala eta Jon Maia izan da zuzendaria.