Uztailaren 6an, astelehena irekiko da Azpeitiko kanpoko igerilekua. COVID-19a dela eta prebentzio neurriak bete beharko dira eta igerilekurako sarrera mugatu izango da. Hori dela eta, ezinbestekoa izango da aurrez hitzordua hartzea, online edo telefonoz igerilekura deituta. Egunero bi txanda izango dira goizekoa 11:00etatik 14:30ak arte eta 15:00etatik 20:00ak arte. Txanda bakoitzean 150 lagun sartuko dira gehienez igerilekura.
Hitzorduak 9 egun lehenagotik hartu ahalko da, eta bazkide bakoitzak gehienez astean bi aldiz joateko aukera izango du. Aldi bakoitzean, gehienez bost bazkiderentzako hitzordua hartzeko aukera eskaintzen du erreserben plataformak; bakoitzaren bazkide txartela sartu beharko da horretarako.
Igerilekura joateko zitarik ez dute hartu beharko aniztasun funtzionala duten herritarrek. Zortzi urtetik beherako haurrek, berriz, heldu batekin joan beharko dute igerilekura.
Herritarrei arduraz jokatzeko eta segurtasun distantziak mantendu eta prebentzio neurriak betetzeko eskatzen die Udalak.