wrapper

HAZeko izapide elektronikoak egiteko ekipoa igerilekuan egongo da aurrerantzean
Ordainagiriak edo isunak ordaintzeko, errolda agiria ateratzeko, idatziei sarbidea emateko eta beste hainbat tramite egiteko aukera ematen du herritarren arreta zerbitzuko izapideak egiteko ekipoak. Udaletxeko lehen solairuan egon da orain arte,
Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo

Datorren asteartean, 18:00etatik aurrera, jarriko dituzte 2020ko Kultur Bonoak eskuragarri Sanagustin kulturgunean. "Kulturarekin hazi, hezi eta goza" ahal izatea bultzatzeko asmoz aterako dira Kultur Bonoak. Azken urteetan arrakasta handia izan dute, eta agortu egin izan dira. 

Bonoak udalak eta Kulturaz, Azpeitiko Kultur Mahaiaren kooperatibak elkarlanean ateratzen dituzte eta sarrera duten ikuskizunetarako balio du. 2019an adibidez, 200 ekitalditik gora antolatu dira eta hauetatik ia laurden bat izan dira sarreradunak (esaterako pasa den urte honetan hainbat ekitalditan sarrerak agortu egin dira: Benito Lertxundi, Ene kantak, Berri Txarrak, Egurra eta Kitto + Brigade Loco, Nogen, SA, Go!azen...) Datorren urtean ere gutxienez ikuskizun kopuru hori mantentzea aurreikusten dute. 

Berrikuntzak

Ikuskizunetan aniztasunari erreparatuko eta denen gustuko gauzak ekartzen saiatuko direla adierazi dute, adina eta orekak kontuan hartuta. Bonoa 70 euroren trukean eskuratu ahalko da Sanagustin kulturgunean. Ikasle txartela dutenek, langabetuek eta jubilatuek dagokion agiriaren kopia aurkeztuz %50eko deskontua izango dute. Eta ohi bezala, salgai jarriko den bono kopurua mugatua izango da.

Sanagustin kulturgunean nahiz Soreasu Antzokian antolatutako honako ekitaldiez gozatzeko aukera eskaintzen da:

10 kontzertu

6 Antzerki/Dantza

Umeentzako 6 ikuskizun (heldu bat + ume bat).

Soreasu Antzokian diren ekitaldi guztietarako aurrez bonoarekin sarrera hartzea derrigorrezkoa izango da.

Kulturaz.eus webguneko agenda atalean bonoa erabili ahal den ekitaldiek ikur bat izango dute, bono jabeentzako jakingarri gisa.

2020ko programazio aurrerapena

Oraingoz aurreratu dituzten ekitaldiak honakoak dira: Ilegales, Zea Mays, Anier + Mad Muasel, Kukai dantza konpainiaren ‘Gauekoak’, Immaculate Fools + Jotakie, Fuel Fandango, Haatik dantza konpainiaren ‘Errimak bi oinetan’, Sonakay, Beheko Larraine konpainiaren 'Manifestu bat' ikuskizuna, Ekain Ibargurenean ‘Alejop!’ ikuskizuna, ‘Denboraren Taupadak’ haurrentzako antzerkia...