Datorren ostegunean, hilak 25, ospatuko da Azpeitiko Plazaren inguruan urteroko Baserritarren Eguna. Urtero gisa, ohiko lehiaketak eta giroa izango dira nagusi, beste urte batez. 23 sagardogilek hartuko dute parte sagardo lehiaketan: "Lehiaketan parte hartzen duten sagardoak izango dira dastagai plazan. SAgardotegi bakoitzak 12 kaxa ekarriko ditu horretarako", adierazi zuen Xebastian Lizaso Urola bailarako sagardozaleen lagunakeko kideak. Epaimahaian 8 lagun izango dira: "Zazpi gizon eta emakume bat izango dira epaimahai. Azken urteotan elkartetik ere animatzen ari gara emakumeak animatu daitezen. Dastaketetan trebatu nahi duenak guregana jo besterik ez du", zehaztu zuen. Sagardo basoak 3,5€ balioko du, eta sagardoa gastatu bitartean nahi adina edateko aukera izango du erosten duenak.
Gizpuzkoako Sagardogileen Elkarteko Olatz Mitxelenak adierazi zuenez, "sektorea gustura eta pozik" etorri ohi da Azpeitira. Plaza "ona" omen da Azpeitikoa eta 47. urtez jarraian antolatzeko hemengo taldeak duen "indarra" jarri zuen balioan.
Sagardo lehiaketarekin batera, gaztarena ere egingo da azoka plazan. Aurtengoan 27 gaztagilek hartuko dute parte eta Premietxeberriko Itsaso Agirrek adierazi zuenez "azpeitiarrontzat oso berezia izan da bserritarrentzat azoka bat izatea herrian bertan, eta saninazio bezperetan". Eguna gustuko duela adierazi zuen eta "sagardoa eta gazta, eskutik helduta doazen bi produktu" direla gaineratu zuen.
Sagardo eta gazta lehiaketaz gain, eskualde mailako ganadu erakustaldia, bertsolariak, trikilariak... izan ohi dira, eta Mikel Odriozola Festa Batzordeburuak eman zuen beste guztiaren berri. Goizean, Cesar Valverde pilota txapelketa izango da Izarraitz Frontoian eta Nafarroako banderari omenaldia egingo zaio. Eguerdian, jendea plazan denean, Unai Agirre, Iker Zubeldia eta Xebastian Lizaso izango dira bertsotan kioaskotik eta trikitilariek ere alaituko dute giroa.
Eguna osatu nahi duenarentzat, arratsaldean Kantujira eta errekortariak ere izango dira. "Egun osoko festa eguna izqango da eta herritarrei kalera irten eta gizoaz gozatzeko gonbita egiten diegu", esanez, bukatu zuen.
EGITARAUA: BASERRITAR EGUNA
10:30 Goiz Eresia, Azpeitiko Musika Bandaren eta Izarraitz Txistulari taldearen eskutik
XXXV.CESAR VALVERDE TXAPELKETA FINALA, Frontoi Txikian. Kategoriak: pre benjamin B, pre benjamin A, benjamin A, alebin eta infantil
11:00 EUSKAL HERRIKO GANADU TXAPELKETA. EUSKADIKO XXIII.BLONDA TXAPELKETA
XXI.GAZTA LEHIAKETA Idiazabal jatorri deitunaren barne dagoen artzain gaztak parte hartu ahal izango du
Hazparnekoei harrera eta ongi etorria. Baserritar egunean ekintza ezberdinetan parte hartuko dute egunean zehar
11:30 Nafarroako banderari omenaldia. Perez Arregi plazatik Plaza nagusira kalejira eta ondoren ohorezko dantza. Antolatzailea: Azpeitiko Napar Zuzterrak
12:00 47. SAGARDO LEHIAKETA, Plaza Nagusian
18:00 Kantu Poteoa, San Martin Egoitzatik hasita
ERREKORTARIAK 2019
Ordua: 18:00
Lekua: Zezen Plaza
