Azpeitiko Udalak gaur Aizarnan, Zestoan, lan istripuan hil den Haitz Beltz enpresako Urrestillako langilearen familia, lankide eta gertukoei doluminak eman eta bere elkartasuna adierazi nahi die. Golpe gogorra da langileriarentzat eta herriarentzat gaur gertatutakoa. Elkartasunaz gain beharrezko laguntza guztia ere eskainiko die hildako langilearen gertukoei Udalak, hala behar izanez gero.
Udalak enpresari zein Osalani istripuaren zergatiak aztertu eta lehenbailehen argitzeko eskatu nahi die. Era berean, udalerri osoko enpresei deia luzatzen die, herriarekin eta herritarrekin duten gutxieneko konpromisoak exijitzen duelako, langile ororen bizitza babestea egoera guztietan, oinarrizko baldintza gisa, eta lehentasun absolutu gisa. Arazo oso larria baita lan-istripuena.
Heriotza-istripua salatzeko eta familiari elkartasuna eta babesa adierazteko ekimen eta deialdiekim bat egiten du Udalak eta herritarrak ere gauza bera egitera deitzen ditu.