Egun bereziak eta ekintzatz beteak datoz Azpeitira. Hori dela eta, aldaketak izango dira datozen bi astearteetako azoketan. Abenduaren 25a eta urtarrilaren 1a, astearteak, jai egunak direnez, astearteetako azokak astelehenera pasatu dira.
Horretaz gain, ordea, Gabon bezpera eta Urte Zahar eguna izanik, ekintza ugari egongo dira plazan (Olentzero eta Mari Domingiren etorrera eta San Silbestre lasterketa), eta Udalak ekintza guztiak bateragarri egiteko modua bilatu du alde guztiekin hitz egin ostean. Hala, plazan (kanpoan) egoten diren postuak Done Jakue kalean eta Olazko Amaren Plazan izango dira datozen bi asteetan. Ohi bezala, baserritarren azoka, Azoka Plazan izango da.
