Erabilera handia dute Baigerako zein Sindikatu Zaharreko lehen solairuko gelek. Edozein herritarren erabil dezake ekintzaren bat edo bileraren bat duenean, eta herritarrei horiek erreserbatzeko erraztasunak eman asmoz, online egiteko aukera jarri du Udalak: "Herritarren eskura dauden baliabideak erabiltzeko erraztasunak jartzea da helburua, eta hau pauso bat da, proba gisa", adierazi du Estitxu Elduaien zinegotziak.
Orain artean, udaletxera etorri eta eskatu behar izaten zen. Hemendik aurrera, aukera horrez gain, norberak bere ordenagailutik edo mugikorretik online egiteko aukera izango du, eguneko edozein ordutan. Oso modu errezean egin daitezke erreserbak, sartu webgunera, aukeratu gela eta erreserbatu nahi duzun egun eta orduan eman izena.
Erreserbak hilean hilekoak egin ahal izango dira, egoera edo baldintza berezien kasuan (aldi baterako erreserbak, ospakizun edo data seinalatuetan...) udaletxean egin beharko da erreserba. Gelak goizeko 08:00etatik 23:00etara erabil daitezke. Erreserba egin duenak eguna eta ordua iristean udaltzaingora joan beharko du giltza hartzera eta nortasun agiria aurkeztu beharko du.
