- ARDURADUN POLITIKOA
Joanes Amenabar (Ingurumena)
Nagore Alkorta (Hirigintza) - ARDURADUN TEKNIKOA
Izaskun Zeziaga (Ingurumena)
Arturo Rivas (Hirigintza) - HELBIDEA
Enparantza Nagusia, 5 - TELEFONOA
Ingurumena: 943 15 70 70
Hirigintza: 943 15 71 91 - POSTA ELEKTRONIKOA
ingurumena@azpeitia.eus
hirigintza@azpeitia.eus
- 22/05/2015
Azpeitia eta Urrestilla arteko bidegorriaren ibilbidea zehaztu da
Gipuzkoako Aldundiak eta Azpeitiko Udalak Urrestillarako bidegorriaren ibilbidea zehaztu dute. Honela, bidea 1.550 metro luze eta 3 metro zabal izango da, eta zatirik handienean GI-2135 errepidearen ertzean egingo da; errepidea behin gurutzatuko du, eta Ibaieder erreka, berriz, bitan. Ibilbideari dagokionez, Arretxe baserriaren aurrean hasiko da, gaur egun espaloia amaitzen den gunean. Bizikleta bidea ahalik eta zabalena izatea lortzeko, GI-2635 errepidearen marrak apur bat aldatuko dira tarte honetan. Hala ere, lehenengo 90 metrotan, 3 metro baino estuago izango da, errekaren eremuak errespetatu behar izan baitira. Ondoren, bizikleta eta oinezkoentzako bideak aurrera jarraituko du errepidearen ondotik, Kimubat enpresaren aparkalekuan barrena, eta Malkorra etxebizitzara iristeko bidea gurutzatu eta gero, 230 metrotan bidegorria errepidearen ondotik djoango da. Azken tarte hau, lubeta baten gainean eraikiko da.
Leer más- 12/05/2015
Elikadura jasangarria aztertu dute herriko ikasleek aurtengo Eskolako Agenda 21 egitasmoaren baitan
Azpeitiko ikastetxeetako Lehen Hezkuntzako (LH), Derrigorrezko Bigarren Hezkuntzako (DBH) eta Batxilergoko ikasleek Elikadura jasangarria izan dute gai nagusi bezala aurtengo Eskolako Agenda 21 egitasmoaren baitan. Adinaren arabera, ekintza desberdinak burutu dituzte haur eta gaztetxoek urtean zehar, besteak beste, Igarako errota eta Lapatx zabortegira bisitaldia, konpostatze eta sukaldaritza saioak, gelako hondakinen kudeaketa, herriko nekazaritza eskaintzaren azterketa, Azpeitiko landa eremua babesteko eta sustatzeko ekintza plana edota 2. eskuko azoka. Egindako lanen hausnarketaren ondorioz, ikasleek konpromiso zehatz batzuk hartu dituzte eta konpromiso horiek alkateari agertu dizkiote. Honela, udaletxera gerturatu ziren eta Ebeko Etxeberria alkatea eta Leire Etxaniz Ingurugiro zinegotziarekin bildu ziren.
Bestalde, azken urteetako ohiturari jarraituz, ikasleek izandako ideia onenak saritu dira. Bertako ekoizpena eta kontsumoa sustatzeko ideiak aurkeztu behar ziren. Bi kategoriatan banatu dira proiektuak, batetik LHkoenak eta bestetik DBHkoenak eta Batxilergokoenak eta bietan, hamabost proiektu aurkeztu dituzte.
Leer más- 07/05/2015
Urte amaieran hasiko dira Azpeitia eta Urrestilla lotuko dituen bidegorriaren lanak
Azpeitia eta Urrestilla inoiz baino gertuago izango dira. Izan ere, urte amaieran hasiko dira bi guneak lotuko dituen bidegorriaren lanak. Obraren aurrekontua 1.107.953,49 eurotakoa izango da eta Azpeitiko Udalak %25 ordainduko du gehienez, hau da, 276.988,37 euro. Urte honetan zehar 33.750 euro ordainduko dira eta hurrengo urtean, berriz, 243.238,37 euro. Gainerako %75a Aldundiak ordainduko du, egon daitezkeen espropiazioak edo beharrezko indemnizazioak eta obra zuzendaritza kostuak bezala. Eneko Etxeberria alkateak Aldundiarekin lortutako hitzarmenak duen garrantzia nabarmendu du, eta herritarrek hainbat urtetan egindako eskaera, Azpeitia eta Urrestilla arteko bidegorria, egi bihurtuko dela;
Leer más- 24/04/2015
Urola Erdiko autobus zerbitzuek aldaketak izango dituzte astelehenetik aurrera
La Guipuzcoana autobus enpresak aurreratu duenez, Urola Erdia bailarako autobus zerbitzuek aldaketak izango dituzte astelehenetik, apirilak 27, aurrera. Guztira, 6 linea izango dira berrituak; Azkoitia-Donostia, Azkoitia-Tolosa, Azkoitia-Zarautz, Beizama-Azpeitia, Zestoa-Ermua eta Zumaia-Zumarraga, hain zuzen ere. Jarraian, astelehenetik aurrera linea bakoitzak izango duen ordutegi berria aurkitu dezakezu;
Leer más- 17/04/2015
Hazien ugalketari buruzko gidaliburua aurkeztu da
Azpeitiko Udalak antolatutako "Baratzen udaberria" jardunaldiaren baitan, Hazien ugalketari buruzko eskuliburua aurkeztu da gaur udaletxean. Eneko Etxeberria alkateak, Jose Maria Hernandez Cristina Eneako zuzendariak eta Marc Badal Haziera proiektuaren arduradunak aurkeztu dute eta batez ere, gomendioak jaso dituzte eskuliburuan, eta helburua bertako hazi barietateak kontserbatzea eta ezaugarriak ez galtzea dela agertu dute. "Hiru zatitan banatuta dago; lehenbizikoan aurkezpen orokor bat egiten da, bigarrengoan ereitetik uzta izaterainoko pausoak agertzen dira eta azkenik, hirugarren atalean, espeziez espezi informazioa ematen da", gaineratu du Badalek. Eskuliburuak euskaraz eta gazteleraz kaleratuko dituzte, eta aurki izango dira salgai, 10 euroren trukean.
Leer más