Klima aldaketa saihesteko konponbideak eskatzen dituen bizikleta martxa Azpeitian izan da eta Udalak babesa eman dio

Abenduaren hasieran negutegi efektodun gasen isurketak murrizteko mundu mailako ituna osatzea helburu izango duen klimaren aldeko goi bilera ospatuko da Parisen. Bertan parte hartzeko helburuarekin eta klima aldaketa saihesteko konponbideak eskatuz, bizikleta martxa abiatu da Valentziatik eta partaideak, Azpeitira iritsi ziren atzo, osteguna. Azpeitiko Udalak bat egiten du bizikleta martxaren ideia eta helburuekin eta harrera egin zitzaion 40 pertsona inguruko taldeari. Eneko Etxeberria alkatea eta Estitxu Elduaien eta Aitor Bereziartua zinegotziak Izarraitz pilotalekuan izan ziren babesa ematen. Horrez gain, aldagela eta dutxa zerbitzuak eskaini zitzaizkien eta Emakume Txokoko instalazioetan lo egiten utzi zaie.

Herritarrak energiaren gaian sentsibilizatzeko, ekintza sorta

Energia Jardunaldiak egingo dira Urola Erdia bailaran, azaroaren 21etik abenduaren 2ra bitartean. Jardunaldiak Energia Mahaiak antolatu ditu, energiaren gaia lantzeko eta Ekintza Planaren sentsibilizazio eta komunikazio atalari erantzuna emateko asmoz. Honela, eskualdkeo herri bakoitzean ekimenak izango dira, erakusketak, tailerrak eta mahai-inguruak, besteak beste. Egitarau osoa honako hau izango da:

'Gure Inguruari Begirada Bat' lehiaketara aurkezteko epea astelehena arte luzatu da

'Gure Inguruari Begirada Bat' argazki lehiaketan lanak aurkezteko epea luzatu da. Honela, astelehena, azaroak 16, izango da lanak aurkeztu ahal izateko azken eguna. Aurtengo lehiaketako gaia, elikadura jasangarria da eta aurkeztutako argazkiek, elikadurak eta ingurumenak duten erlazioa agertu behar dute. Argazki guztiak bildu ondoren, epaimahaiak azaroaren 18an emango du jakitera bere erabakia eta sari banaketa, berriz, hilaren 27an egingo da. Guztira, 100 euroko 9 sari banatuko dira, 3 arlo bakoitzean.

Elikadurak eta ingurumenak duten harreman estua ezagutaraztea nahi ditu aurtengo Gure Inguruari Begirada Bat argazki lehiaketak

'Gure Inguruari Begirada Bat' argazki lehiaketan lanak aurkezteko epea azaroak 12an, ostegunean, amaituko da. Azpeitiko Udalak antolatutako lehiaketak, elikadurak eta ingurumenak duten harreman estua ezagutaraztera eman nahi du; "Jakien produkzioa biodibertsitatean eragin zuzenetakoa duen ekintza da. Horrez gain, kontsumitzen ez dugun eta zaborretara botatzen dugun jakien kopurua ere handia da. Ingurumenaren babeserako elikadura arloan praktika egokiak ezarri eta Elikadura Jasangarria sustatzeko helburuarekin argazkiak bildu nahi ditugu lehiaketarako", agertu dute arduradunek.

Lehiaketa hiru kategoriatan banatuko da:

Alde Zaharreko eta Paulo VI-ko argiteria publiko guztian LED sistema ezarriko du Udalak, energia aurrezteko helburuarekin

Azpeitiko Udalak 2013an onartu zuen, aho batez, Azpeitia 2025 Plan Estrategikoa eta plana osatzeko prozesuan, energiaren gaiari tratamendu berezia eman zitzaion, lerro estrategiko oso bat energiaren ingurukoa izanik. Lerro estrategiko horren baitan, mota desberdinetako ekintzak aurreikusten dira baina denak eraginkortasun energetikoa, kontsumoen murrizketa eta energia berriztagarrien ezarpenarekin zerikusia dutenak dira.