Olazko Andra Mariaren plazako Karakola bezala ezagutzen den guneko edukiontziak mugituta eta nahastuta agertu ziren pasa den igande goizean. Azpeitiko Udalak gertaera salatu nahi du eta edukiontzien erabilera zuzena eta arduraz jokatzeko deia luzatu nahi die herritarrei, izan ere, gure herriko txokoak eta ingurumena zaintzea guztion ardura da. Horregatik, arduraz eta gizalegez jokatzeko eskatzen zaie azpeitiarrei.
