wrapper

CANAL DE DENUNCIAS

Gizarte zerbitzuak sub

Subscribe to this RSS feed
04/11/2015

Seme-alabei nola lagundu eta drogen kontsumo arduratsuaz hitz egingo dute Guraso Eskolen baitan

Gizarte Zerbitzuak sailak bi saio antolatu ditu Guraso Eskolen baitan. Batetik, 12 eta 16 urte bitarteko gazteen gurasoei bideratuta, "Seme-alabekin alkohola eta drogen kontsumo arduratsuan hezitzen" ikastaroa eta bestetik, 17 eta 22 urteko gazteen gurasoentzat, "Guraso noiz arte? Nola lagundu seme-alabei, jada gazte-helduak izanik" ikastaroa. Bi ikastaroek 4 saio izango dituzte, azaroan eta abenduan zehar, eta izen-ematea azaroaren 6an, ostiralean, amaitzen da. Parte hartu nahi dutenek Udaleko Gizarte Zerbitzuetara joan beharko dute, edo 943 157192 telefonora deitu. Prezioa 10 eurokoa da baina ordaindu ezin dutenentzat, bekako diru-laguntza bideratuko du Udalak.

Leer más
30/10/2015

Azaroaren 4ean Siriako errefuxiatuez egin behar zen bilera atzeratu egin da

Azpeitiko Udalak, Siriatik ihesean ateratzen ari diren errefuxiatuak hartzeko eta laguntzeko babes herri izatea onartu zuen iraileko udalbatzan. Siriako eta gerrako errefuxiatuei laguntzeko pausoak aztertu ondoren, Euskal Herriko beste udal eta erakundeekin harremanetan jarri zen Udala modu koordinatuan lan egiteko eta herritarrekin bilera egitea adostu zen. Bilera hori azaroaren 4ean egitea aurreikusten bazen ere, atzeratu egingo da. Izan ere, errefuxiatuen gaia Gipuzkoan koordinatzen ari ziren eragileak aldatu egin dira, orain arte Gurutze Gorria ari zen arduratzen baina orain, errefuxiatuen laguntzarako CEAR elkartea da arduraduna. Udalak CEAR elkartearekin zehaztu behar du data berria, eta behin konkreatutakoan, azpeitiarrei jakinaraziko zaie.

Leer más
19/10/2015

Behar gehien dutenei zuzendutako arropa bankua abian jarri dute elkarlanean, Udalak eta Elkar-ekin taldeak

arropabankua

Azpeitiarren ongizatea bermatzea da Azpeitiko Udalaren lehentasuna. Are gehiago, behar larria duten azpeitiarren ongizatea. Horregatik, behar gehien dutenei zuzendutako arropa bankua abian jarri du Udalak, Elkar-ekin taldearekin elkarlanean. Arropa bankuaren zerbitzua Soreasuko Elkargunean eskaintzen da eta herriko 170 herritar eta familiari banatuko dizkiete arropak dohain, aurrerantzean. "Udalaren helburua herritar guztiek gutxieneko baliabide eta eskubideak bermatuta izatea da. Herritarren ekimenez sortutako proiektua da hau, eta azpeitiarrek, beste behin, erakutsi dute elkartasunaren eta justizia sozialaren defentsan lana egiteko prestutasuna dutela. Hori balio garrantzitsua da guretzat, eta halako pertsonekin lan egitea plazerra da guretzat", agertu du Gizarte Zerbitzuetako batzordeburu den Ainhoa Beristainek.

Leer más
16/10/2015

Boluntariotza lana kudeatzen jakiteko ikastaroa antolatu du Udalak

Herritarren formakuntzaren apustuarekin jarraituz, Azpeitiko Udalak boluntarioei zuzendutako ikastaroa antolatu du. "Jakin badakigu boluntario lana oso garrantzitsua dela, eta herrian pertsona ugari daudela lan hauetan. Lana, nahiz eta gogoz egin, konplexua da, izan ere zaila da arlo honetan sortzen diren zenbait gai kudeatzea. Horregatik, Gizarte Zerbitzuak sailak formazioa eskaintzea funtsezkoa ikusi du eta ikastaroa antolatu du", agertu du Ainhoa Beristain Gizarte Zerbitzuak saileko zinegotziak. Ikastaroko saioak azaroaren 5, 6, 12, 13, 19 eta 20an izango dira 09:30etik 11:30era bitartean eta saio horietan, honako gai hauek landuko dira;

Leer más
13/10/2015

"Portaeraren nahasmena lantzeko programa" ikastaroa antolatu du Udalak

Azpeitiarrei formatzeko aukerak eskaintzen jarraitzen du Udalak. "Hiri hondakin eta hondakin industrialen kudeaketa" eta "Mendeko pertsonen arreta soziosanitarioa erakunde sozialetan, Etxez etxeko laguntzaile eta janari erabiltzaile" ikastaroak antolatu ondoren, Azpeitiko Gizarte Zerbitzuak sailak "Portaeraren nahasmena lantzeko programa" ikastaroa prestatu du, Lahar elkartearekin batera. Ikastaroa urriaren 27 eta 29an eta azaroaren 3an izango da, 17:00etatik 20:15era, Sindikatu Zaharreko gela handian. Formakuntza saio berria menpekotasun zaintzaileentzat, familiakoentzat edo langileentzat zuzenduta dago eta bertan, Dementzia, motak, sintomak eta eboluzioa, Pertsonaren portaera, Pauta konkretuak arazo espezifikoen aurrean eta Beste arazo egoeren aurrean batik bat pertsona nagusien harremanetan, eta bereziki dementzia kasuetan, nola egin aurre gaiak landuko dira. Interesatuek urriaren 23 baino lehen eman behar dute izena Udaleko Gizarte Zerbitzuak sailean edota 943 15 71 92 telefono zenbakira deituta.

Leer más