AZPEITIKO UDALA
IRAGARKIA
Aurrekariak:
2020ko ekainaren 24ko ebazpen bitartez, Lanbide-Euskal Enplegu zerbitzuak Toki-ekintzetarako 2020ko dirulaguntzen deialdia argitaratu zuen.
Azpeitiko Udalak aipatutako dirulaguntzaren baitan, bi motatako kontratazioak bultzatzeko laguntza eskatu zuen. Alde batetik, I.go motatako laguntza: Udalean 6 hilabetez lanean aritzea ahalbidetzen duen laguntza, eta bestetik II. Motatako laguntza: Azpeitiko Enpresek 2020 urtean zehar egindako kontratazioetan laguntzeko dirulaguntza.
2020ko azaroaren 30eko Lanbide-Euskal Enplegu Zerbitzuko ebazpen bitartez, Azpeitiko Udalari Toki-ekintzaileen dirulaguntzaren baitan 36.000€ dirulaguntza onartu zitzaion 2020 urtean zehar Azpeitiko Enpresek egindako kontratazioak diruz laguntzeko.
Laguntza horien helburua babes ekonomikoa ematea da Lanbiden enplegu-eskatzaile gisa izena emandako langabeak tokiko enpresek merkatu arruntean kontratatzea errazteko, horien artean, COVID-19k tokiko enpresek ohiko merkatuan eragindako osasun-krisia kudeatzeko alarma-egoera deklaratu ondoren enplegua galdu dutenak.
Azpeitiko Udalak entitate kolaboratzaile izanik, Lanbideren dirulaguntzaren deialdiko baldintzak jarraituz, oinarri orokorrak eratu eta prozedura martxan jarri du.
Azaldutako guztiagatik, eta honako araudiekin bat: Dirulaguntzei buruzko azaroaren 17ko 38/2003 Lege Orokorra; 887/2006 Errege Dekretua, uztailaren 21ekoa, dirulaguntzei buruzko azaroaren 17ko 38/2003 Lege Orokorraren Erregelamendua onartzen duena; eta TAOL kontuan izanik Alkatetzak 2020ko abenduaren 15ean emandako Dekreturen bidez ebaztu du:
Aurrena: Lanbide-Euskal enplegu zerbitzuko Toki ekintzei laguntzeko dirulaguntzaren baitan, 2020ko kontrataziorako laguntzak emateko 2020ko deialdia eta oinarri orokorrak onartzea:
Bigarrena: kontratazioa bultzatzeko laguntzetara bideratuko den diru kopurua 36.000€-koa izango da.
Hirugarrena: Laguntzaren deialdia eta ezargarri diren oinarriak Gipuzkoako Aldizkari Ofizialean argitaratzea. Deialdia eta laguntza eskatzeko beharrezkoak diren gainontzeko dokumentuak Udalaren web orrian daude erakusgai, dirulaguntzak atalean. www.azpeitia.eus
*Dirulaguntza elektronikoki eskatzeko helbiea: https://uzt.gipuzkoa.eus/home.do?De=EU018126699