- 03/08/2019
Giro onean joan dira festak
Bukatu dira festak Azpeitian eta balorazioa egiteko unea da: "Festak ondo joan dira, santietan hasi eta saninazioak bukatu bitartean ekitaldi jendetsuak izan dira herrian. Jende ugari ibili da kalean eta gustura gaude jendetzak hartuagatik ez delako ohiko arazoez gain beste ezer gertatu", adierazi du Mikel Odriozola zinegotziak.
Gehiago irakurri
- 26/07/2019
Baserritarren Eguna, irudietan
Atzo, uztailak 25, osteguna, Baserritarren Eguna izan zen Azpeitian. Pilota partidak, gazta eta sagardo lehiaketa, ganadu feria... denetik izan zen plazaren inguruan. Ikusi argazki bilduma.
Gehiago irakurri
- 24/07/2019
Dena prest Baserritarren Egunerako
Bihar, Santio Eguna, Baserritarren Eguna izango da Azpeitian. Hala, bertako produktuak eta baserritarren lana balioan jarri eta erakusteko eguna izango da. Goizean zehar, bertako produktuak hartuko dute plaza; Sagardo lehiaketa egingo da kioskoan, arkupetan sagardo dastaketa egiten den bitartean; gazta lehiaketa ere egingo da azoka plazan. Aurtengoan, 27 gaztagilek eta 23 sagardogilek hartuko dute parte lehiaketetan.
Gehiago irakurri
- 19/07/2019
Dena prest da festei hasiera emateko
Dena prest da festetarako, eta asteburuan hasiko dira lehen ekintzak. Santio egunez, uztailaren 25ean, baserritarren egunarekin etenik gabeko festa egunak ihasiko dira. Azpeitiko Udala adin eta gustu guztietarako ekintzak antolatzen saiatu da: "Azpeitia anitza da, eta festak ere aniztasun horrentzat antolatu nahi izan ditugu", adierazi zuen Nagore Alkorta alkateak, atzo egin zen festen aurkezpenean. "Festak herri baten isla direla esan ohi dute, eta saninazioetan ere erakuts dezagun zein diren gure oinarriak eta baloreak. Erakuts diezaiogun munduari garena: etorkizunari irekitako herria, geurea dena maite duguna eta zaintzen duguna", gaineratu zuen.
Gehiago irakurri
- 10/07/2019
Esklabak-Iturzulo eremuko babestutako etxebizitzen obrak, lizitazio fasean dira
Azpeitiko Udalak Esklabak-Iturzuloko etxebizitza babestuak eraikitzeko obrak egiteko lehiaketa publikoa martxan jarri du, eta, beraz, exekuzio fasea hasi dela jakinarazi du Nagore Alkorta alkateak gaur, inguran bertan emandako prentsaurrean. Udalarentzat "pauso garrantzitsua" dela azpimarratu nahi izan du, ia 10 milioiko obra baita lizitatuko dena, eta 62 babestutako etxebizitza eraikiko baitira.
Gehiago irakurri
- 20/06/2019
'Azpeitia, elkarrekin bizi' molde berriko etxebizitzak diseinatzeko prozesu parte hartzailea abian da
Aste honetan hasi da Azpeitia, elkarrekin bizi! molde berriko etxebizitzak sorreratik parte hartze bidez disinatzeko prozesua. Martxoan aurkeztu zen jendaurrean asmoa, eta 33 lagunek izena emana dute prozesuan. Aste honetan izan da lehen bilera, eta Nagore Alkorta alkatea izan zen prozesuari hasiera ematen: "Talde polita osatu duzue, 30 bat lagunetik gorak eman zenuten izena, eta horrek adierazten du Azpeitian bazaudetela molde berriko etxebizitzak nahi dituzuen herritarrak. Hori adierazi zigun duela pare bat urte egindako inkestak, eta hori adierazi digu prozesuaren hasierako izen emateak ere". Behar horri eranztun asmoz jarri dela prozesua abian azpimarratu zuen: "Egitasmo hau jauzi berri bat da, batetik etxebizitza politikan, eta bestetik, parte hartzeari dagokionean erabaki ahalmena herritarrengan ipintzen delako. Esaterako, zuek erabakiko duzue behar horiei erantzuteko nolako etxeak behar dituzuen", gaineratu zuen.
Gehiago irakurri
- 19/06/2019
Eskualdearen etorkizuna eraikitzeko erronkari helduta, elkar hartuta lanean
Gaur egin da 'Elkarrekin eraikitzen' egitasmoaren seigarren edizioaren ikasturte bukaerako ekitaldia, Basazabalen. Bertan izan da Nagore Alkorta Azpeitiko alkatea, eta alkate denetik lehenengotariko ekitaldia hori izateak "ilusio berezia" egin diola aitortu du: "Proiektu honek 'Elkarrekin eraikitzen' izena du, eta horixe da Azpeitiko Udalaren filosofia, elkarlanean herria eta eskualdearen erokizuna eraikitzea gaurtik". Gogoratu du, krisi gogorreko urteetan sortu zela egitasmoa, baina oraindik ere urte ezegonkorrak bizi ditugula. "Gure bailara txikia da, eta elkarlanean batuta aurre egin behar diogu erronkei. Hezkuntza da gure ustez etorkizuneko erronken oinarria, garrantzia berezia du zuek, herritar gazteok, formazio ahalik eta onena eta kalitatezkoena izatea", jarraitu du.
Gehiago irakurri
- 15/06/2019
Nagore Alkorta izango da datozen lau urteotan Azpeitiko alkatea
12:00etan, udaletxeko pleno aretoa beteta zela hasi da kargu hartze plenoa. Zinegotzi karguei zin egin ostean, alkatea aukeratzeko botazioa egin da eta Nagore Alkorta Elorza izango da datozen lau urteetako alkate, 10 boto jaso ostean. Alkortak hunkituta gogoratu du lehen aldiz emakume bat izango dela alkate: "Azpeitiko herriak ehundaka urte ditu, erraz esaten da, eta gaurkoan iritsi gara lehen aldiz aulki honetara. Urteetan emakume askok eta askok emandako pausoen emaitza da gaurkoa. Horregatik, sentitzen dut Azpeitiko emakume bakoitzaren zatitxo bat nirekin dagoela hemen. Uste dut, gaurkoan guztiok eman dugula urrats txiki bat aurrera".
Gehiago irakurri
- 14/06/2019
Bakardadearen kaperaren argi-ilunak biltzen dituen liburua argitara
Atzo arratsaldean, Bakardadea herritarrez beteta zela aurkeztu ziren 'Nikolas Saez de Elolaren Azpeitiko kapera Errenazentista' bi liburak. Miren De Miguel Lesaka historialariak kaperaren inguruan eginiko tesia eta haren laburpen dibulgatiboa biltzen dute liburuek. Aurkezpenean azaldu bezala, ondarea balioan jartzeaz gain, Kapilaren atzean zer dagoen argitara ateratzeko helburuarekin egin da liburu dibulgatiboa.
Gehiago irakurri