Azpeitiko Udalak mugimendu feministak antolatutako mobilizazio eta ekimenetan parte hartzera dei egin du

Emakumeen Langileen Nazioarteko Eguna da gaur. Zaintza sistema publiko-komunitario aldarrikatzeko eguna; oraindik ere denboraren banaketan ez dagoela orekarik gogoratzekoa; emakumeek zaintzen ematen duten denboran, lan horietan ardurarik hartzen ez duten gizonek boterea pilatzen jarraitzen dutela adierazteko eguna; gobernantza feminista behar dugula aldarrikatzekoa; publiko eta komunitarioaren arteko harremanei garrantzia emateko eguna.

Sorkuntza beken bidez ondutako lanak ezagutzeko unea

2023ko sorkuntza bekak jaso zituztenek larunbatean aurkeztuko dituzte beren proiektuak. Aurkezpenaren ostean, martxoaren 24ra arte egongo dira ikusgai lanak Betharrameko erakusketa aretoan.

Etorkinen seme-alabak eta euskara gaia lantzeko saioa izango da asteazkenean

Ikasturte honetan, Euskara eta kulturarartekotasuna gure herrian izeneko proiektua dago martxan Azpeitian. Proiektu horren barruan, Etorkinen seme-alabak eta euskara. Elkarrekin pentsa dezagun saioa gidatuko dute Karmele Perez eta Amelia Barquin Mondragon Unibertsitateko irakasleek. Asteazkenean (martxoak 13) izango da, 18:30ean, Azoka Plazako aretoan.

Martxoaren 20ra arte aurkez daitezke Joxe Takolo bekarako proiektuak

Joxe Urbieta Takolo mendizale azpeitiarraren omenez, aurten ere beka bat emango da, Euskal Herriko mendizale, mendi elkarte eta beste edozein eratako talde edo elkarteei zuzenduta. 4.000 eurokoa izango da, eta Azpeitiko Udalak eta Euskal Mendizale Federazioak finantzatuko dute. Proiektuak martxoaren 20rako aurkeztu beharko dira.

Kontsultagai dago Buztintzuriko Errebaleko eta Iñaki Azpiazu kaleko etxebizitza tasatuen esleipen prozeduran onartuak eta baztertuak izan direnen behin-behineko zerrenda

43 eskaera egin dira Buztintzuriko Errebaleko etxeetarako, eta 81 eskaera Iñaki Azpiazu kaleko etxeetarako. Behin-behineko zerrendak argitaratu ostean, interesatuek hamar eguneko epea izango dute erreklamazioak aurkezteko.

Datuek erakusten dute Azpeitiko Udala egoera ekonomiko onean dagoela

Azpeitiko Udalak egin du dagoeneko iazko kontuen itxiera. Aurreikusitako gastuen gauzatze maila %79koa izan da; sarreren gauzatze maila, berriz, %80koa.

Asteartean egingo da martxoko ohiko udalbatzarra

Asteartean, martxoak 5, martxoko ohiko udalbatzarra egingo da, 19:00etan hasita. Besteak beste, Amue 11. Hirigintza Eremuko Plan Bereziari behin betiko onarpena ematea eta inauterietan gertatutako sexu erasoen prozedura judizialean herri akusazio gisa aurkeztea landuko dira.

Gurasoei, adingabeei eta profesionalei zuzendutako orientazio, detekzio eta esku hartze goiztiarrerako zerbitzua aurkeztu du udalak

Bi programak osatzen dute zerbitzua: alde batetik, eskoletan egiten den esku hartze goiztiarrak; bestetik, nerabe eta gurasoentzako orientazio zerbitzuak.

Berria da nerabe eta familientzako orientazio zerbitzua; Gaztelekuan egongo da, eta familia barruko komunikazio arazoei, nerabeek izan ditzaketen krisi edo zalantza egoerei eta abarri buruzko arreta emango du.

Matazak ibilbidea, autodefentsa ikastaroa, mahai ingurua eta hitzaldi-tailerra izango dira Martxoaren 8aren bueltan

Emakume Langileen Nazioarteko Eguna izango da datorren ostiralean. Mugimendu feministak egun horretarako antolatutako mobilizazio eta ekimenetan parte hartzera dei egingo du Azpeitiko Udalak. Horrez gain, Parekidetasun Sailak eta Emakumeen Txokoak hainbat ekintza antolatuko dituzte martxoan zehar.

Itxi egin dute GI-631 errepidea Ezkuzta parean

Udaltzaingoak aholkatu du ibai ondoan dauden lur azpiko garaje guztietatik ateratzeko ibilgailuak. Iraurgi ikastetxearen Santutxoko eraikineko aparkalekua irekita egongo da hara eraman ahal izateko ibilgailuak.