Soreasuko sormen guneko obrak bide onetik doaz

Ekainean ekin zioten Soseasuko sormen gunea egokitzeko obrei, eta bide onetik aurrera lanak. Hasiera batean 2019ko uda alderako irekitzeko moduan izatea aurreikusten zen kultur espazio berria, baina orain, udaberri alderako bukatuta izatea espero da.

Familiei zuzenean eragiten dieten zerga eta tasak izoztu eta jarduera ekonomikoari dagozkionak egokitzea onartu da behin-behinean

Azpeitiko Udalak behin behinean astearteko ohiko udalbatzan onartu zituen 2019ko urtarrilaren 1eatik aurrera indarrean izango diren ordenantza fiskalak. Orokorrean, familie eragiten dien tasa eta zergak izoztu egin dira, eta jarduera ekonomikoari loturikoak igo egin dira, zerbait. Erabaki horren alde bozkatu zuen EHBilduk; bera aldetik, EAJtak KPIa igotzea egokiagoa dela argudiatuta, abstenitu egin zen. 

Urriaren 15ean itxiko da etxebizitzen alokairurako udal laguntza eskatzeko epea

Etxebizitzen alokairurako laguntzak eskatzeko epea urriaren 15a bitartean itxiko da. Udal dirulaguntza linea horren eskaitzaileek urtero egin behar dute eskaera udaletxean (Herritarren Arreta Zerbitzuan, lehen solairuan). Beraz, aurreko urteetan onuradun izan direnek ere eskatu egin behar dute. Aurten, 180.000 €ko diru poltsa izango da eskatzaileen artean banatzeko.

Abiadura eta errepidearen arriskuen inguruko prebentziorako 'Bizitzaz Blai' proiektuaren bigarren edizioa abiatuko da urriaren 5ean

Azpeitiko Udalak Bizitzaz Blai lemapean errepideko istripuen prebentziorako antolatutako kanpainaren bigarren edizioa jarriko du abian, urriaren hasieran. Proiektua elkarlanaren emaitza da; besteak beste aurten ere parte hartuko dute, istripua jasan dutenen senitartekoak, DYA, suhiltzaileak, Udaltzaingoa, pilotu profesionak eta Stop istripuak elkarteek.

Iaz, Errezilgo Udalak aurretik irekitako bideari jarraituz, abiatutako proiektua bidez, gazteen eta errepideko istripuen arteko harremanean abiadurak, alkoholak eta beste hainbat drogaren kontsumoak duten eraginaz hausnartuko da. Mutila izatearen ereduen eta abiaduraren arteko loturak bereziki landuko dira.

'Lurraldea eta Hizkuntza. Arnasguneen prebentziotik garapenera' jardunaldia egingo da urriaren 10ean, Azpeitian

Lurraldea eta Hizkuntza. Arnasguneen prebentziotik garapenera” jardunaldia antolatu dute elkarlanean Gipuzkoako Foru Aldundiak, Kontseiluak, UEMAK, Gaindegiak, Azpeitiko Udalak eta UEUk. Laugarren edizioa den honetan lurgune euskaldunen eta arnasguneen garapen iraunkorra bermatzeko oinarriak proposatuko dira. Topaketa urriaren 10ean egingo da Azpeitian eta matrikula egiteko epea zabalik dago: www.ueu.eus atarian.

200 gaztetxo aritu dira Urola ibaiaren 'birikak' garbitzen

Ekainean egin ohi da Urola ibaiaren garbiketa eguraldi txarra dela eta atzeratueta gaur egin da, aurreikusi bezala. Goizean goizetik, 200 bat gaztetxo izan dira urola ibaiaren inguruko dokumentala ikusi eta garbiketa lanetan.

Agenda 21 ekimenaren baitan, ohiko bihurtu da Urola ibaiaren garbiketa. Urtero, herriko DBHko ikasleak ibaira jaitsi eta hura garbitzen aritzen dira goiz batez. Gaur, ekimen hori osatu egin da eta garbiketa lanaz gain, sentsibilizaziorako Xabier Arenasek eginiko dokumental bat ikusteko aukera ere izango dute.

Goiza, 8:45ean, Soreasun hasi dute eguna. Bertan, ikusi dute 20 minutu inguruko dokumentala. Dokumental horren bidez herritarrak sentsibilizatu eta ibaiak dituen altxorrez jabetzea izan da helburua. Dokumentala Luis Juaristik aurkeztu du, eta ikusi ostean, iritziak plazaratu eta hausnartzeko tartea ere izan da. Horren ostean, garbiketarako materialak jaso eta ibaira jaitsi dira zikinkeria jasotzera. Gaztetxoek jaso eta udal brigadako langileak plazako edukiontzi handietara ekarri dute ibaian jasotakoa.

Ikastetxe bakoitzak bere zatia garbitu ostean, 11:30ak aldera, bildutako zabor guztia plazan izango diren kontenedoreetan jasoko dute, eta garbiketa bukatzean hortxe bildu dira parte hartzaile guztiak. Bukatzeko, mokadutxoa egin dute.

Harri eta landareria kentzeko eskaera

Azpeitiko Udalak gertutik aztertzen du Urola ibaia, eta garrantzia berezia ematen dio egoera onean izateari. Herriko natur baliabide garrantzitsuenetako bat izateaz gain, arriskuak ere sor ditzakeelako bere mantenu desegokiak. Uda pasatu ostean, ibaiaren hainbat puntutan garbiketa sakonakoa egiteko eskaerak abian ditu. "Negua etorri aurretik, eta euriteak hasi aurretik, ibaiaren hainbat puntutan harriak eta, posible den heinean, landareria kentzea da gure helburua. Beti ere, bertako biodibertsitatean kalterik eragiten ez duten moduan", azaldu du Aitor Bereziartua Ingurumen zinegotziak. Horretarako, ordea, Uraki (Eusko Jaurlaritza) eskatu behar zaio baimena, eta horretan ari da Udala. "Ibai zabala dugu, baina uholde arriskua gutxitzeko, beharrezko neurriak hartu ohi ditugu neguaren aurretik", gaineratu du. 

Eguna irudietan

Lagun Onak eta Realeko neskek estreinatu dute futbol zelai berritua

Gaur goizean, 11:45etan hasi den Lagun Onak eta Realeko nesken erregional mailako partiduarekin gelditu da inauguratuta Garmendipeko zelai artifizialeko azpiegitura berritua. Uda garaia aprobetxatuz berritu da; eta 13 urte eta erdiren ostean, belarra aldatzeaz gain, ura filtratzeko zituen arazoei ere irtenbidea eman zaie. 

Larunbatean, bi partidu berezirekin, estreinatuko da Garmendipeko futbol zelai berritua

Bukatu dira Garmendipeko zelai artifiziala berritzeko lanak, eta larunbatean izango diren bi partiduekin geldituko da inauguratuta. Hilaren 25ean, 11:45ean hasita erregional mailako neskak izango dira belar gainean, Lagun Onakek Reala izango du aurrez aurre. 18:00etan, berriz, derbia izango da, erregional mailakoa hori ere, Lagun Onakek eta Ikasberrik elkarren aurka jokatuko dute. Bi partiduetarako sarrera doakoa izango da, eta Udalak herritarrak gonbidatu nahi ditu bi partiduetara.

Bero hasi da festa!

12:00ak jo dituenean Izarraitz Txistulari Elkartekoak eta Euskaraldikoek suziria piztu ostean hasi dira ofizialki saninazioak. Bero izugarria egiten zuen plazan, baina herritarrak ez ditu beldurtu eguztiak, eta plaza jendez bete da. 

Baserritarrek hartu dute plaza, eguerdian

Goizean goizetik jende ugari izan da Azpeitian. Urtero Santio Egunean egin ohi den Baserritarren Eguna egin da gaur, eta baserritar zein kaletarrek ez dute hutsik egin. Jendetza izan da eguerdian plazan zein plaza atzean, eta herritar zein bisitariek sagardoa dastatzeaz gain, ganadua ikusi eta festaz gozatzeko aukera ere izan dute.