'Gizontasunak desmuntatzen: indarkeriatik aukera feministetara' tailerra izango da ostiralean

Mugimendu feministaren azken urteetako indar eta gorakadak eztabaida eta korapilo asko ekarri ditu. Indarkeria matxistaren hainbat aurpegi plazaratzearekin batera, indarkeria horren gaineko ardura eta erantzukizunak ere ipini dira erdigunean, eta, horrek, erresistentzia batzuk ekarri ditu.

Hainbat saio antolatu dituzte Nire Azpeitia plataforma ezagutarazteko

Plataforma digital berri bat dator herrira: Nire Azpeitia plataforma. Tresna garrantzitsua izango da herriko dendari, ostalari, azokako saltzaile, negozio nahiz elkarteentzat; izan ere, beren bezeroekin modu berritzaile batean komunikatzeko aukera emango die. Herritarrentzat ere hainbat abantaila izango ditu, behar duten informazio guztia aurkitu ahal izango baitute plataforman. Gainera, doakoa eta erabilterraza izango da.

Mantentze lanengatik, itxita egongo da Zestoara arteko bidegorria

Astelehenean hasiko dituzte lanak, I-5.003F eta I-5.004F eremuan. Aurrena, Zestoatik Corrugados Lasaora arteko zatian arituko dira; hura bukatutakoan, berriz, Corrugados Lasaotik Ezkuztara arteko tarteari ekingo diote. Lanek irauten duten bitartean, bidegorria itxita egongo da 07:00etatik 15:00etara bitartean. 

Eskualdeko ekintzaile berriak omentzeko eguna

Atzo, apirilak 16, Ekintzaileen Nazioarteko Eguna izan zen, eta eskualdean enpresa sortu berri duten ekintzaileak omendu zituen Iraurgi Berritzeneko Ekintzailetza lantaldeak. Lehen aldiz, Aldaketa ereiten: ekintzaileak eta hauen ekarpena eskualdean ekitaldia ospatu zuten. Bertan, 2023an enpresa sortu zuten ekintzaileek egindako ahalegina eta eskualdeko ehun-sozioekonomikoan izan duten inpaktu positiboa nabarmendu zituzten.

Maiatzaren 4ra arte bete ahal izango dira alde zaharreko trastelekuei buruzko galdetegiak

Atzo, apirilak 15, alde zaharreko bizilagunekin bilera egin zuten Nagore Alkorta alkateak eta Mikel Odriozola zinegotziak. Alde zaharra bizigarriago egiteko asmoz, trasteleku komunitarioak egiteko proiektua du esku artean udalak, etxeen ezaugarriengatik (igogailurik eta ganbararik ez, portal txikiak…) espazio arazoak izaten baitituzte auzotarrek. Bizilagunen beharrak ezagutzea izan zen atzoko bileraren helburua.

Enkarguk zerbitzuaren bizikletari buruz zerbait jakinez gero, Udaltzaingora jotzeko eskatu dute

Asteburuan, lapurtu egin dute Enkarguk zerbitzuaren bizikletetako bat. Bi bizikleta ditu zerbitzuak, eta bietan txikiena lapurtu dute. Besteari, berriz, bateria kendu diote.

Azoka plazako eraikin barruan zegoen bizikleta, eta handik hartu dute. Norbaitek informazio gehiago izanez gero, eskertuko da horren berri ematea Udaltzaingoari, zuzenean bulegora bertara joanda edo 943 15 13 13 telefonora deituz.

Heriotza eta dolua, haurren ikuspegitik

Apirilaren 25ean, Heriotza haurrekin. Dolua eta heriotzaren ulermena haurrengan hitzaldia eskainiko du Naroa Martinezek. 18:00etan izango da, Basazabal jauregian. Euskaraz izango da hitzaldia, baina aldi bereko itzulpena eskainiko da gaztelaniara, Telegram bidez.

Euskal talderik ezagunenetakoak izango dira Azpeitian saninazioetan

Festa guztietako ezinbesteko osagaia izaten da musika; aurtengo saninazioetan, ordea, protagonismo berezia izango dute kontzertuek. Euskal taldeen aldeko apustua eginez, gaur egun jende gehien erakartzen duten musikarietako batzuk izango dira Azpeitian. “Azpeitiko plaza euskal musikaren plaza izango da”, esan du Mikel Odriozola Azpeitiko Udaleko Festa batzordeburuak.

Asteartean izango da apirileko ohiko udalbatzarra

Asteartean, apirilak 16, apirileko ohiko udalbatzarra izango da. 19:00etan hasiko da, eta pleno aretoan egingo dute. Besteak beste, 2024ko bigarren kreditu aldaketa egitea aztertuko dute udal ordezkariek.

'Aniztasun Izpiak-Kilometroak txikia' eguna izango da apirilaren 27an

Apirilaren 27an ‘Aniztasun izpiak, Kilometroak txikia’ eguna ospatuko da Azpeitian. Azpeitiko Ikastola Ikasberri Kooperatibak eta Azpeitiko Udalak elkarlanean antolatu dute eguna, beste hainbat eragilerekin batera: Atzegi, Dislegi, Marea Urdina, Kulturaz, Berria, Guka, UEMA eta Ikastolen Elkartea, besteak beste.