wrapper

Oharrak

65-70 urte bitartekoen bizi kalitatea ikertuz, bukatuko da ikerketen zikloa

65-70 urte bitartekoen bizi kalitatea ikertuz, bukatuko da ikerketen zikloa

Azpeitiko Udalak eta Baigerak elkarlanean 65 eta 70 urte bitarteko herritarren bizi kalitatea ezagutu asmoz, azken adin atrteko ikerketa jarri du abian. Dagoeneko gutunak bidaltzen hasi dira, eta laster ikerketa egingo duen Maider Saenz teknikaria ikerketan parte hartzeko adinean diren eta Udaleko Gizarte Zerbitzuekin azken urteotan harremanik izan ez duten 552 lagunekin harremanetan jartzen hasiko da: "Ikerketa hauekin helburu garbi bat daukagu, adinekoena joatea beren beharrak ezagutu eta neurriak hartzea", adierazi du Leire Goenaga Gizarte Zerbitzuetako batzordeburuak. 

Gehiago irakurri
Ekonomia eta herritarren beharrak ardatz hartuta, 20.246.218€ko aurrekontua onartu du Udalak 2020. urterako

Ekonomia eta herritarren beharrak ardatz hartuta, 20.246.218€ko aurrekontua onartu du Udalak 2020. urterako

Onartu berri ditu 2020. urterako aurrekontuak Udalak. Ekainean hasi zen agintaldi berriko lehen aurrekontuak izango dira eta Nagore Alkorta alkatea "gustura" da emaitzarekin. "Uste dugu, Azpeitiko beharrei erantzuna eman eta etorkizuna eraikitzen hasteko moduko aurrekontuak osatu ditugula. Iazko aurrekontuekin konparatuta, Udal aurrekontuak ia milioi erdi egin du gora, eta 20 milioitik gorako aurrekontua osatu dugu. Aurrekontu kontsolidatuari erreparatuz gero milioi bat gehiago dugu datorren urteari aurre egiteko", azaldu du. Abenduaren 3ko ohiko plenoan, aho batez onartu ziren. 

Gehiago irakurri
Ekonomia sozial eraldatzaileko ekintzaileentzat formazioa eskainiko da Basazabal zentroan

Ekonomia sozial eraldatzaileko ekintzaileentzat formazioa eskainiko da Basazabal zentroan

Azpeitiko Udalak eta Olatukoop Ekonomia Sozial Eraladatzailea sustatzeko sareak formazio saioak eskainiko dituzte, elkarlanean. Izen ematea abenduaren 5a bitartean egin daiteke Basazabal formazio zentroan: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. eta 943547983. Lehen saioa abenduaren 10ean izango da. Ikastaroaren prezioa 21,6€koa izango da Azpeitian erroldatuta daudenentzat eta 26€koa besteentzat. Izen emateko epea abenduaren 5ean bukatuko da. 

Gehiago irakurri
Azken egunak, Esklabak-Iturzulo eremuko bigarren faseko babes ofizialeko eta etxebizitza tasatuetan izena emateko

Azken egunak, Esklabak-Iturzulo eremuko bigarren faseko babes ofizialeko eta etxebizitza tasatuetan izena emateko

Abenduaren 2a izango da udaletxean izena emateko azken eguna. Esklabak Iturzulo eremuako bigarren fasean, bi motatako babestutako etxebizitzak eraikiko dira; tasatuak eta babes ofizialekoak.

Bi prozedura

1- Tasatuetarako izen emate orria dokumentazioarekin batera entregatu behar da udaletxean.

2- Babes ofizialeko etxebizitzetako zozketan parte hartzeko Etxebiden eman behar da alta erosketa aukeran (udaletxearen bidez egin daiteke tramite hori). Edozein zalantzaren aurrean kontsulta egitea gomendatzen du Udalak. 

Gehiago irakurri
Esklabak-Iturzulo eremuko bigarren faseko 67 babestutako etxebizitzen zozketarako izena emateko epea zabaldu da

Esklabak-Iturzulo eremuko bigarren faseko 67 babestutako etxebizitzen zozketarako izena emateko epea zabaldu da

Azpeitiko Udalak azken urteotan abian jarritako Etxebizitza politiketan sakontzeko asmoz, Esklabak Iturzulo eremuan babestutako etxebizitza eraikitzeko bigarren fasean eraikiko diren etxebizitzetarako izen emateko epea ireki du. Bigarren fase honetan 67 etxebizitza eraikiko dira 39 babes ofizialeko eta 28 tasatu berezi: "Aurreko agintaldian, iazko udaberrian, babestutako etxebizitzen eskaintza egin zenean, azkarrago edo motelago garatuko zen plan bat aurkeztu genuen. Lehen faseko etxebizitza guztiak esleitu dira, eta oraindik ere etxebizitza beharra duten herritar ugari gelditu dira itxaron zerrendan. Pausoak beharren arabera emango zirela esan genuen, eta horregatik jarri dugu bigarren fasea abian", adierazi du Nagore Alkorta Azpeitiko alkateak.

Gehiago irakurri
Kultur sorkuntza beka jasota, bost sormen prozesu abian dira Soreasuko Dinamoan

Kultur sorkuntza beka jasota, bost sormen prozesu abian dira Soreasuko Dinamoan

Bost proiektuk jaso dute 2019ko Azpeitiko Udalak eta Kultur Mahaiak elkarlanean sortutako Sorkuntza Beka. Proiektuak abian dira, eta sormen prozesuek emandako emaitza batzuk laster izango dira ikusgai. Eneritz Albizu Kultura Batzordeburuarentzat "pozgarria" da beketara urtez urte sortzaile berriak aurkeztea. Aurten, guztira 11 proiektu aurkeztu dira; udaletxeko hiru kidek eta Kultur Mahaiko beste hiru kidek osatutako epaimahaiak 12.000 euroak bost proiektu horiei ematea erabaki dute. 

Gehiago irakurri
Eskola kirolaren ibilbidea balioan jarri eta etorkizuneko erronkei elkarrekin aurre egiteko prest

Eskola kirolaren ibilbidea balioan jarri eta etorkizuneko erronkei elkarrekin aurre egiteko prest

Pasa den larunbatean, Soreasu antzokian, 'Eskola Kirola herri hezitzaile ikuspegitik' jardunaldien baitan, eskola kirolaren inguruan hausnartzen aritu ziren guraso, hezitzaile, aditu eta arituak. 50 bat lagun elkartu ziren jardunaldien bueltan, eta "goiz emankorra" izan zen antolatzaileen hitzetan. 

Gehiago irakurri
Plax! bikote eta sexu aholkularitza zerbitzua abian da

Plax! bikote eta sexu aholkularitza zerbitzua abian da

Duela zenbait urtetatik bikote zein sexu aholkularitza zerbitzua eskaintzeko zerbitzua du Udalak. Hala, ikasturte berria hastearekin bat berriro abian hasi da. Dagoeneko egin daitezke kontsultak. 

Gehiago irakurri
Euskaraz doan ikasteko aukera eskainiko du, aurtengo ikasturtean ere,  Udal Euskaltegiak

Euskaraz doan ikasteko aukera eskainiko du, aurtengo ikasturtean ere, Udal Euskaltegiak

Udal Euskaltegiak ikasturte berrian euskara ikasteko saioak prest ditu. Hala, irailaren 20ra arte izena emateko matrikulazio epea zabalik dute euskaraz ikasi edo maila hobetu nahi duten herritarrek. Duela zenbait urte abian jarritako beka sistemaren bidez, euskara doan ikas daiteke Azpeitiko Udal Euskaltegian. “Euskaraz ez dakiten edo maila hobetu nahi duten herritarrak animatu nahi ditugu euskaltegira. Izan ere, herrian integratzeko eta gozatzeko aukerak irekiko zaizkie euskarari esker. Lagunarterako aukerak, lan aukerak, hainbat kultur adierazpenez gozatzeko aukerak… benetan leiho berri bat irekiko zaie, eta ezagutzen ez zuten mundu baten parte izango dira”, adierazi du Eneritz Albizu Euskara batzordeburuak.

Euskaraz jakin arren, hobetu edo tituluren bat atera nahi dutenentzat, euskaraz ikasten hasiak direnentzat, lehen urratsak eman nahi dituztenentzat.... denentzat eta denetariko ikastaroak antolatuko dira aurtengorako ere. Maila guztietako ikastaroak, A1, A2, B1, B2, C1 eta C2 mailetako tituluak ateratzeko aukera ere eskaintzen da. Goiz, arrats zein gauez eskaintza zabala egiten da euskaraz ikasteko. Aurreko ikasturtean adibidez, 121pertsona ibili ziren Udal Euskaltegian euskara ikasten eta 12 talde osatu ziren; maila desberdinetako hamar talde urritik ekainera bitartean eta bi talde udan.


“Dagoeneko Hezkuntza Sailak ez du EGA azterketarako deialdirik egingo, baina argitu nahi dugu C1 maila dela EGA azterketaren baliokidea, eta maila horretako titulua ateratzeko bi deialdi izango direla”, zehaztu du Olatz Zabaletak, Udal Euskaltegiko zuzendariak. Azterketak izango dira, eta aukera paregabea dute herritarrek euskaltegian azterketa horietarako trebatzeko.

EUSKARAZ IKASTEA, DOAKOA
Duela zenbait urte jarritako beka sistemaren bidez, euskara doan ikas daiteke Azpeitian: "Badakigu konpromisoa eskatzen duela euskara ikasteak, eta bidea apurka egin behar dela. Horregatik, erraztasunak ematen saiatzen gara udaletik. Aurten ere, euskara ikasi nahi duten guztiek, maila guztietan, izango dute aukera doan euskalduntzeko, gutxiengo asistentzia bat betez gero. Euskara ikasteko bidean, herritarren ondoan egongo gara beti”, azpimarratu du Albizuk.

Gehiago irakurri
Enparan Dorretxe aurrea eta zubia oinezkotzeko obrak hasiko dira datorren astean

Enparan Dorretxe aurrea eta zubia oinezkotzeko obrak hasiko dira datorren astean

Datorren astean ekingo diote Enparan Dorretxe aurrea eta ondoko zubia oinezkotzeko lanei. Obra horiek direla eta, aldaketak izango dira zubian: ibilgailuentzako sarrera Perez Arregi plazatik egokituko da obrak irauten duten bitartean, oinezkoentzat, aldika itxita izango da pasoa. 

Gehiago irakurri

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information