50 urtez danborra jotzen
00:00etan Sansebasttian martxa jo ostean igo dira Ardozaleak taldeko ordezkariak udaletxera omenaldia jasoztera. Agurra bozgolagailuetatik jotzen hasi aurretik izan da omenaldirako tartea. Udaletxean, 50 urtez danborradan irtetea eskertu nahi izan zaie, eta urteurren borobil horretaz gogoratzeko oroigarria ere jaso dute.
Bihar gehiago
Bihar, San Sebastian Eguna izanik, haurren txanda izango da. Goizean, 09:00etan goiz eresiarekin emango zaio hasiera egunari. 9:30ean hasita Ardozalean eta Gure Ametsa taldeek, Udam Musika Banda eta Juan Antxieta Musika Eskolako txilibiteroekin kalejira egingo dute. Ondoren, 10:15ean plazatik parrokiara udal korporazioak prozesioa egingo du eta 10:45ean Meza nagusia izango da. 12:00etan, sokamuturra izango da plazan eta 12:30ean emango zaio hasiera haurren danborradari. Arratsaldean, 16:30etatik aurrera, berriro sokamuturra izango da eta 23:15ean, bandera jaitsierako danborradari hasiera emango zaio. 00:00etan emango zaio bukaera 24 orduko danbor hotsei.
