Emakumeen Kontrako Indarkeriaren Aurkako Nazioarteko Eguneko udal adierazpena

Gaur, azaroak 25, Emakumeen kontrtako Indarkeriaren Aurkako Nazioarteko Eguna da. Horren harira, Udal Gobernuak honako adierazpena kaleratu du. Bertan, hartutako konpromisoak berresten ditu eta herritarrei dei egiten die gaur 19:00etan plazan egingo den kontzentrazioarekin bat egiteko. 

'Antigone edo ezetzaren beharra' antzezlanak Ikuslegoaren Saria jasota bukatu dira Euskal Antzerki Topaketak

Atzo arratsean. Ikuslegoaren saria banaketarekin bukatu ziren 38. Euskal antzerki Topaketak. Urte berezia izan da topaketentzako ere aurtengoa. Hala ere, balorazio positiboa egin zuten Nagore Alkorta alkateak eta Eneritz Albizu Kultura batzordeburuak. Ikuslegoek Antigone edo ezetzaren beharra antzezlana saritu dute. saria jasotzen izan ziren obraren zuzendari den Igor de Quadra eta Xanti Agirrezabala aktorea.

Mende laurden, herriko merkataritzari bultzada ematen

25 urte bete ditu Iosu optika dendak 2020. urtean. Ohitura den bezala, Azpeitiko Udalak eta Bertan Merkataritza elkarteak urte guzti horietan herriko merkataritzaren alde egindako lana eskertu  eta lanean jarraitzeko animoak emateko bisita egin die. Agustin Lizarralde zinegotzia eta Xabier Aldalur Bertaneko teknikaria izan dira zoriontzen, eta egindako lana errekonozitzeko Udalaren oroigarria ematen. 

"25 urtean gora behera ugari gertatzen dira eta ez da erraza horrenbeste urtez denda bat irekita izatea. Azken hilabetak ere ez dira errazak izaten ari bertako merkatariontzat. Urte guzti hauetan herriko merkataritza sustatzeko egindako lana eskertu nahi dizuegu. Herria bizirik mantentzeko ezinbestekoa da bertako merkataritza, guk merkataritza txikiaren aldeko apustu sendoa egiten dugu eta orain arte bezala herria bizi mantentzeko ahaleginean segitzeko eskatu nahi dizuegu", adierazi du Lizarraldek.

Hasi dira Karmelo Etxegarai ikastolako irisgarritasuna hobetzeko obrak

Hasi dira Karmelo Etxegarai Ikastolaren Perdillegi kaleko eraikinerako irisgarritasuna hobetzeko lanak. Udalak eta Karmelo Etxegaraiko zuzendaritzak adostutako obra horien bidez, Perdillegi kaleko 2 zenbakian dagoen ikastetxeko sarrera nagusia irisgarriagoa egingo da; bertan, 6 eta 12 urte bitarteko hezkuntza ikasketak garatzen dira.

Obren bidez, gaur egungo sarrera nagusiko eskailerak eraitsiko dira eta hiru aukera eskainiko dira sartu-irtenerako; bi oinezkoentzat eta bat ibilgailuentzat. Oinezkoentzat eskailera eta arranpa egingo dira, irisgarritasuna bermatzeko.

Obra horiekin batera, sarreran estalpe bat ere egingo da, autobusaren zain egoteko. 65.147,24€ko aurrekontua dute obrek eta bi hilabeteko epean bukatuta izatea aurreikusten da. 

Ostalaritzarekin egindako bileran sektorea babesteko laguntzak iragarri ditu udalak

Nagore Alkorta alkateak Sustapen Ekonomikorako laguntzak indartzeko asmoa adierazi du. Gogoratu du langileentzako Udal laguntzak oraindik ere eska daitezkeela. Taberna nahiz jatetxeek momentuko gastuei aurre egiteko laguntza lerro berri bat abian jartzea ere aurreikusi du.

Sustapen ekonomikorako laguntzetan, 102 eskaera jaso ditu Udalak

Azpeitiko Udalak aurten ere sustapen ekonomikorako laguntzen deialdia egin zuen udaberrian. Bizi dugun krisi ekonomiko eta soziosanitarioak ezjakintasun eta egoera ezegonkorra sortu du eta eragin zuzena du herritarren eta eragile soziosanitarioengan. Udala izanik herritarrek eta eragileek jotzen duten lehen atea, lehen unetik egoerak sortutako beharrei erantzuteko baliabide materiak eta dirulaguntza lineak jartzeari ekin zion. Bide horretan, maiatzaren 23an, ekonomiaren sustapenerako plan integrala onartu zuen Udalak: 11 lan lerro eta 1,7 milioi euro jarri zituen Udalak plan horretarako; horietatik 475.000€ lan munduari bultzada ematera bideratu dira. Urriaren 30ean bukatu zen eskaerak egiteko epea eta 102 eskaera jaso dira guztira.