Osasun Mentalaren inguruko jardunaldiaren lehen saioa, bideoan

Azpeitiko Udalak Osasun Mentalaren inguruan antolatutako jardunaldiaren lehen saioa. Herritarren artean interesa piztu du gaiak, izan ere, 90 bat pertsona izan ziren hitzaldian. Atzokoan, Xabier Lertxundi OSAMENeko psikiatra (Gipuzkoako Osasun Mentaleko sareko kudeaketa klinikoko unitateko burua) eta Iñigo Antsorregi Dierez depresioa izandako gaztea izan ziren hizlari. Lertxundik ikuspegi medikotik eman zituen depresioaren eta suizidioaren azalpenak. Lehenaren osagarri izan zen Antsorregik azaldutako esperientzia pertsonala.

Jendearen interesa piztu Osasun Mentalaren inguruko lehen saioak

Atzo arratsean izan zen Azpeitiko Udalak Osasun Mentalaren inguruan antolatutako jardunaldiaren lehen saioa. Herritarren artean interesa piztu du gaiak, izan ere, 90 bat pertsona izan ziren hitzaldian. Atzokoan, Xabier Lertxundi OSAMENeko psikiatra (Gipuzkoako Osasun Mentaleko sareko kudeaketa klinikoko unitateko burua) etaIñigo Antsorregi Dierez depresioa izandako gaztea izan ziren hizlari. Lertxundik ikuspegi medikotik eman zituen depresioaren eta suizidioaren azalpenak. Lehenaren osagarri izan zen Antsorregik azaldutako esperientzia pertsonala. Hitzaldiaren bukaeran herritarrek galde erantzunetako tartean ere herritarren parte hartzeko eta gaiaz hitz egitekoko nahia agerian geratu ziren

Maiatzaren 26an, datorren ostegunean, 18:00etan, Azoka Plazako lehen solairuko aretoan  ‘Suizidioa, prebenitu bizitza sustatzeko’ hitzaldia eskainiko dute BIZIRAUN elkarteko Agustin Erkizia eta Eva Bilbaok. Biziraun, Maite dugun norbaiten suizidioak mindutako pertsonen elkartea da.

Ireki da Udal Udalekuetarako izen ematea

Ireki da aurtengo Udal Udaleku irekietako izen-emate epea. Gaurtik maiatzaren 31ra bitartean egin ahal izano da izen ematea online eta Gazte Informazio bulegoan. DBH eta Batxillergoko gaztetxoentzako udalekuetarako izen ematea aurrerago egingo da. 

Udalak eta Sokaitzek rokodromoa handitzea adostu dute eta lanak abian dira

Azpeitiko Udalak eta Sokaitz eskalada taldeak, Urola kalean elkarteak duen rokodromoa handitzea adostu dute eta dagoeneko lanak hasiak dira. Sokaitzen eskaladan aritzen diren azpeitiarren kopurua asko hazi da azken urteetan, eta lekua handitze beharraren aurrean udalera jo zuten. Hala, adostu dute, udalak udal biltegiaren zati baten (lehen rokodromoa dagoen lekuaren ondoko eremu bat) lagapena egingo diola rokodromoa handitzeko, eta dagoeneko obrak hasita daude. Besteak beste hasi berrientzako zein haurrentzako eremuak handituko dira.

Familia ekintzen baitan, ehun artea tailerra eskainiko da hilaren 29an

Hileko azken igandean, maiatzaren 29an, doako ehun arte tailerra egingo da Ekoetxean, Familia ekintzen baitan, 4 urtetik gorako haurrei eta beraien familiei zuzenduta. 11:00etan hasiko da ekintza eta Parte-hartzaileek landare estanpazioa egingo dute mailuarekin oihala eta paperean kolpe txikiak emanez.

Ekintzan parte hartzeko beharrezkoa izango da aurrez izena ematea maiatzaren 27a bitartean, Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. e-postara idatzita edo 943 81 24 48 telefonora deituta. Plaza mugatuak izango dira.

Martxa onean doaz Skate Parkeko obrak

Azken asteotan, ikusmina eta jakinmina sortu dira Loiolako Inazio pasealekuan. Asko dira, pasoan, skate parkeko obrei gelditu direnak. Izan ere, parkea hasi da itxura hartzen, eta skate park berria martxan jartzeko gogoan areagotu dira zaleen artean. Martxa onean doaz obrak. Aurreikusi bezala. Eta datozen asteetan eguraldiak laguntzen badu, ekainaren hasieran bukatuko dute.

Obrak Zut skateparks enpresaari da eraikitzen eta 303.907,61€ko inbertsioa egin du udalak skate park berria eraikitzeko.