wrapper

Oharrak

Albiste Nabarmenduak

  • Urrestillan oinezkoen pasabide berria egiten ari da eta lokala erosi du Udalak
    Urrestillan oinezkoen pasabide berria egiten ari da eta lokala erosi du Udalak
    Denon artean prozesuaren baitan, azken hilabeteotan Azpeitiko Udalak Urrestillan aurrera eman dituen hainbat konturen berri emateko elkartu dira Aitor Bereziartua eta Estitxu Elduaien zinegotziak Urrestillako batzordearekin. Alde batetik, orain artean nahiz eta erabilera publikoa izan arren, Udalak Elizari alokatuta zuen Kale Txikia 9 zenbakiko lokala erosi duela jakinarazi zien. Azken hilabeteotako negoziazioen ondoren, lokal hori Udalak erosi du 65.000 eurotan. Read more...
  • Egin errenta aitorpena euskaraz
    Egin errenta aitorpena euskaraz
    2016ko errenta aitorpena egiteko kanpaina ate joka ari da Araban, Bizkaian, Gipuzkoan eta Nafarroan, eta Azpeitiko Udalak Udalerri Euskaldunen Mankomunitatearekin elkarlanean, errenta aitorpena euskaraz egiteko kanpaina jarri du abian, aurten ere. Gipuzkoako Foru Aldundiaren datuen arabera, iaz Azpeitian 7.541 errenta aitorpen egin ziren, eta 3.027 egin ziren euskaraz, %40a pasatxo. Read more...
  • Bisitarien gorakada Azpeitiaren aniztasunak erakarrita
    Bisitarien gorakada Azpeitiaren aniztasunak erakarrita
    Behin turista gehienek maleta egin eta beren lekuetara itzuli ondoren, Aste Santuko balantzea egitea dagokigu. Datu orokorrek, geneuzkan aurre sentsazioak baieztatzen dituzte eta bataz beste ehuneko 25eko igoera izan da bisitarietan. Azpeitiak eskaintzen dituen aukeraz gozatu dutenak Estatu eta Euskal-herriko hainbat puntutatik etorri direnak izan dira nagusiki; umedun familia gazte eta adindun taldeak lagun giroan gehienak. Tren Museoa bisitatu dute askok, Lasaora joanez, bere baporezko trenean. Era berean, ia 600 lagunek tren turistiko bereziaz goza ahal izan dute: bidai gidatuak izan dira, herrian zehar. Loiola eta herriko gune historikoaren ondarea ezagutzeko medio paregabea suertatu da. Ingurugiro Museoa eta Igarako errota ere ezagutuz.Bestelako esperientzia baten bila etorri direnentzat berriz, Loiola, Madalena eta parrokiko guneak puntu erakargarrienak izan dira. Epe motzeko egonaldiak izan arren, azpimarratzekoa da 10% igo dela ostatu eskaera, eta bisitari mugimendu honek, herriko hotel, landetxe eta ostalaritzaren alorrean izan duen eragin ekonomiko positiboa da. Azpeitiko Udalak estrategikotzat dauzka turismo alorra, eta hau dena kontuan hartua eramango ditu aurrera proiektu eta ekintza guztiak.

kirola sub

'Osasun Ibilbideak' programako martxoko irteeran izen emateko epea zabalik

'Osasun Ibilbideak' programako martxoko irteeran izen emateko epea zabalik

Aisialdi aktiboa bultzatze aldera, astean bi egunetan, taldean oinez ibiltzera irteteko aukera eskaintzen da herrian, "Osasun Ibilbideak" programaren baitan. Zailtasun maila errazekoak izaten dira, gaitasun maila guztiek egiteko modukoak. Hilero, gainera, irteera bereziren bat antolatzen da.

Gehiago irakurri
Diegok merezi duen bezalako handia eta benetakoa izango da autengo Azkoitia-Azpeitia proba

Diegok merezi duen bezalako handia eta benetakoa izango da autengo Azkoitia-Azpeitia proba

Apirilaren 1ean egingo da aurtengo Azkoitia-Azpeitia proba. Zailtasun guztien gainetik proba "handia" aurkeztu dute gaurko prentsaurrean. Aurten 24. edizioa izango da, eta aldaketa nagusi eta esanguratsua ibilbidea izango da, aurreko urteetakoen desberdina izango delako.

Gehiago irakurri
Haurrek igerian ikasteko saioetan, plazak libre

Haurrek igerian ikasteko saioetan, plazak libre

Martxoaren 21ean 3-4 urteko haurrek igerian ikasten hasteko abian jarriko den ikastaroan lekua dago oraindik. Ikastaroa 17:30etatik aurrera izango da eta interesa dutenek igerilekura jo beharko dute izena emateko. 

Apirilean hasita, zapatutan, zazpi hilabete eta bi urteko aurren igeriketa saioetan ere oraindik gelditzen dira plaza batzuk. Beraz, interesa dutenek igerilekura jo beharko dute. 

Gehiago irakurri
Igandean, Urrezko Aizkorako finala Izarraitz pilotalekuan: Udalak 5 sarrera bikoitz zozkatuko ditu

Igandean, Urrezko Aizkorako finala Izarraitz pilotalekuan: Udalak 5 sarrera bikoitz zozkatuko ditu

Atutxa II.a Eta Mugertza Ii.a; Iker Vicente Eta Ruben Saralegi Eta Joseba Otaegi Eta Arria V.a aurrez aurre izango dira igandean,12:00etatik aurrera Izarraitz Frontoian Urrezko Aizkorako Finalean. "Udalak eskura dituen baliabide guztiak ipiniko ditu txapelketa ahalik eta ondoen irteteko eta herritarrei dei egin diegu finala ikustera etor daitezen", adierazi du Estitxu Elduaien Kiroletako Batzordeburuak gaurko aurkezpenean. Luis Mari Bengoa txapelketaren antolatzaileak Azpeitiko Udalari eskerrak emateaz gain, aurtengo final nagusia "inoiz baino estuagoa" izango dela aurreratu du, eta bikoteen arteko berdintasun hori plazan ikustea espero duela esan du.

Gehiago irakurri
Zazpi hilabetetik bi urte arteko haurrentzat igeri ikastaroa

Zazpi hilabetetik bi urte arteko haurrentzat igeri ikastaroa

Azken urteotan bezala, Kirol Patronatuak haur txikientzako igeri ikastaroa eskainiko du apiriletik ekainera bitartean. Zazpi hilabetetik bi urteko haurrei zuzenduriko ikastaroa da eta zapatu goizetan eskainiko da, haurrak gurasoekin batera izango dira ikastaroan. Orduerdiko saioak izango dira eta 9:30ak, 10:00ak eta 10:30etan izango dira. Prezioari dagokionez, bazkideentzat 39,55 eurokoa da eta bazkide ez direnek 69, 23 euro ordaindu beharko dute. Izen ematea igerilekuan egin beharko da otsailaren 7tik aurrera. 

Halaber, Kirol Patronatuak jakinarazi nahi du ikastaroak irauten duen bitartean, igerileku txikia itxita izango dela bestelako erabiltzaileentzat 9:30etatik 11:00etara bitartean. 

 

Gehiago irakurri
2017 - Azpeitiko Udala.
ElkarMediak garaturiko webgunea

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information