wrapper

Oharrak

Uztailaren 3ko Udalbatzaren laburpena

UDALBATZA OSOAK 2018KO UZTAILAREN 3AN HARTUTAKO ERABAKIEN LABURPENA.

Azpeitian, 2018ko uztailaren 3an, Udaletxeko bilkura-areto nagusian elkartu da Udalbatza Osoa lehenengo deialdian eta ohizko bilkuran, aztergai-zerrendako gaiak eztabaidatu eta erabakitzeko. Eneko Etxeberria Bereziartua alkate-udalburua buru dela, eta Udalbatza Osoa osatzen duten zinegotzi denak bertan direla.

Honako akordioak hartu dira:

1.- Udalbatzak 2018ko urtarrilaren 16an, maiatzaren 15ean eta ekainaren 5ean egindako bilkuren aktak onartzea.

2.- Udalaren eta bere organismo autonomiadunen 2017 ekitaldiko kontu orokorra onartzea.
3.- Udalbatzak 2015eko maiatzaren 15ean udal-etxebizitza tasatuak eta horien eranskinak esleitzeko oinarrietan uko egitearen araubidea zehaztea.

4.- Azpeitiko Udalaren jabetzakoak diren Loiolako Ignazio Etorbidea 65, 81 eta 77 an dauden lokalak Gipuzkoako Foru Aldundiari 20 urterako lagatzea dohainik, Administrazio honek desgaitasun psikikoa duten pertsonentzako ekipamenduak jartzeko. Lagapen hori hitzarmen baten bidez formalizatuko da, eta bertan jasoko dira lagapenaren inguruan bi administrazio partehartzaileek kontutan hartu behar dituzten baldintza guztiak.

5.- Euskal Autonomia Erkidegoko Administrazioaren eta Azpeitiko Udalaren artean lankidetza hitzarmen bat sinatzea informazioaren, administrazioaren eta kudeaketa elektronikoaren esparruko zerbituzak elkarri emateko.

6.- Azpeitiko "Alde Zaharra" 1. HEn kokatutako eraikinetako fatxadak birgaitzeko diru-laguntzak arautzen dituen Ordenantzaren aldaketari hasierako onarpena ematea.

7.- Udalbatzak bat egiten du Euskaraldiarekin eta ekimenaren sustatzaile izango da. Horrenbestez, erantzukizunez eta eredugarritasunez jokatzeko konpromisoa hartzen du.

8.- Alkatetzak 2017ko azaroan emandako ebazpenen berri ematea.

Azpeitia, 2018ko urriaren 1a -UDALAREN IDAZKARIA,-Olatz Eizaguirre Orbegozo

Ministerio de Hacienda y Función Pública
Reg. Gral. de la Subdel. Gob. en Gipuzkoa

Akta

2017 - Azpeitiko Udala.
ElkarMediak garaturiko webgunea

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information