Azpeitiko Udaleko Gizarte Zerbitzuetako Sailak udazkenerako Guraso Eskolen barruan hiru tailer antolatu ditu. Nerabeen aurrean guraso bezala zer eta nola egin hausnartzen jarraitzea da helburua; eta bereziki kuadrilla eta gazte lokalen gaia jorratuko da batetik, eta sare sozialen ingurukoa bestetik. Besteak beste, honako gaiak jorratuko dira:
- Gazteen zenbait errealitatez hausnartu: alkohol kontsumoa, lehen harreman sexualak …
- Lokalak eta gazteak: zer alderdi on ditu? Zein arrisku?
- Lokaletako alkohol eta drogen kontsumoa.
- Lokaletako harremanak:lagun artea, sexu harremanak …
- Guraso bezala zer eta nola egin sare sozialen erabilpenarekin.
- Diziplina jartzea babesteko eta baloreetan hezteko, ez kontrolatzeko.
- Ideia irrazionalak eta beldurrak: “nirekin betirako haserretuko da”, “ beste gurasoak uzten dute”, “ gaur egun normala omen da”…
Ikastaroak Izar Arregi psikologo-terapeutak gidatuko ditu.
Tailer horietan guztietan batera edo banaka hartu daiteke parte, eta horretarako izena eman behar da, hiru bide daude horretarako:
- Korreo elektronikoa: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.
- Gizarte Zerbitzuetako sailean.
- Telefono zenbaki honetara daituta, 943 15 71 92.
Izena emateko epea urriaren 8an bukatukoda.
Saio bakoitzaren prezioa 1,5€koa izango da eta ordaintzeko ezintasuna dutenek beka bidez diru laguntza jaso dezakete. Horretarako Gizarte Zerbitzuetara jo dezakete.