Irekita daude Izarraizko Atea parkeko ur-txorroak. Aste honetako eguzki eta tenperatura altuen iragarpena ikusirik erabaki du Udalak txorroak irekitzea. Azken asteotan prest izan dira eguraldi egokia iristeko zain, eta azkenean udaren iritsierari aurre hartuz ireki dira.
Iazko uztailaren hasieran ireki zen parke berdea, eta uda arrakastatsua izan zen benetan. Herritar zein bisitari ugari ibili ziren bertan, eta ur-txokoak izan ziren haur zein gaztetxoentzat erakargarri.
Udalak parkean giza-legez jokatzeko eskatu nahi du azkenik; hondakinak ondo sailkatuta edukiontzietara botatzeko eskatu nahi du, zakurrak lotuta ibiltzeko eta jolasean, hizketan edo dena delakoan errespetuz ibiltzeko. Horretaz gain, gogoratu nahi du ur-putzuan ezin dela animaliarik sartu. .