Udal Kirol Patronatuko ikasturtea datorren hilarekin batera bukatuko da. Alegia, ekainaren 30ean amaitu egingo dira iazko urritik abian diren ikastaroak. Baina, uztailean eta irailean kirola egin nahi dutenek izango dute aukerarik, bi hilabete horietarako aparteko ikastaroak antolatu baitituzte.
Hauek dira uztailean eta irailean emango dituzte ikastaroak: cicling, jump, mantenu gimnasia, pilates, total training, zumba, core eta igeriketa teknifikazioa. Ikastaro horietan izena emateko epea astelehenean (maiatzak 21) zabalduko dute, eta azken eguna ekainaren 20a izango da. Parte hartu nahi duten guztiek eman beharko dute izena, baita ikasturtean zehar ibili direnek ere. Informazio gehiago nahi duenak, dei dezala 943 81 41 21 zenbakira edota galde dezala igerilekuko harreran.