Hala, boluntarioen lana ikusteko eta boluntario egiteko aukera izango da besteak beste, hurrengo asteetan. Ekintzak dagoeneko hasi dira, Sanagustin kulturgunean “Gipuzkoako boluntariotza iruditan” erakusketa ikusgai dago maiatzaren 9a bitartean. Bestalde, hitzaldi sorta ere antolatu da. Guztira lau izango dira eta denak, Sindikatu Zaharrean egingo dira;
MAIATZAK 2 ASTEAZKENA
HITZALDIA: NOLA IZENA DUZU? NIK… HARRERA, ELKARRIZKETA KONTUA.
HIZLARIA: ANE EIZAGIRRE CARITASEKO GIZARTE LANGILEA
ORDUA: 16:00etan
MAIATZAK 8 ASTEARTEA
HITZALDIA: PERTSONA HELDUAK: BEHAR ZAITUZTE. BEHAR DITUZU.
HIZLARIA: ANDIKONA URIARTE Hurkoa Fundazioko Gerente laguntzailea
ORDUA: 16:00etan
MAIATZAK 9 ASTEAZKENA
HITZALDIA: GARUN PARALISIA DUTENEKIN BOLUNTARIOTZAK INKLUSIOA DAKAR
HIZLARIA: BORJA SANTIN – Aspace boluntarioen arduraduna
ARITZ BIKUÑA – Boluntario eta erabiltzailea
AITOR BIAIN – Erabiltzailea
ORDUA: 16:00etan
MAIATZAK 10 OSTEGUNA
HITZALDIA: VOLUNTARIADO INTERNACIONAL: SERVICIO DE VOLUNTARIADO EUROPEO y CUERPO EUROPEO DE SOLIDARIDAD.
HIZLARIA: AINHOA MARTIN - Europe Direct Informazio zentrokoa
ORDUA: 11:00etan
Azkenik, maiatzaren 5ean boluntariotza azoka izango da plazan 11:00etatik 14:00etara. “Boluntariotzaren arlo desberdinetako 20 postu izango dira eta postuetan informazioa eta boluntario egiteko aukera izango. Gainera, jarduera desberdinak ere eskainiko dira, besteak beste; tailerrak, erakustaldiak, jolasak…”, agertu du Gizaldeko Miren Gurrutxagak. Azpeitiko boluntariotza talde eta eragileei dagokienez, Nagusilan, odol-emaileak, janari banaketa, Mixio taldea, Loiola Zentroa eta Gurutze Gorriak parte hartuko dute.
Era berean, boluntarioen erreleboan jarri nahi izan du garrantzia; “talde asko daude errelebo beharrean eta behar bada badaude herritarrak prest errelebo hori egiteko, edo laguntzeko, baina ez dakite nora joan. Azokarekin ea bultzatzen dugun herritar horiek animatzea”, amaitu du Gurrutxagak.