Duela zenbait aste banatu ziren herriguneko bizilagunen artean hondakin sistema berriko txipak, eta arzo teknikoak medio zenbait egunez atzeratu behar izan da edukiontziak herrian jartzea. Gaurtik aurrera herrigunean dauden hondakin organikoko edukiontziak irekitzeko ezinbestekoa izango da txipa erabiltzea. Gaurtik martxoaren 12a bitartean txipek edukiontzi guztiak irekiko dituzte, baina egun horretatik aurrera bakoitzak bere bizilekuari lotutako edukiontzia bakarrik ireki ahal izango du.
Errefuxaren ontziak, berriz, bi asteren buruan jarriko dira.
Edukiontzien kokalekuak
Herritarren eskariz, zenbait edukiontziren kokagunea aztertu da, eta zenbait lekutan aldatu ere egin dira ekarpenak aintzat hartuta. Hala ere, zenbait kasutan oraindik ere edukiontziak behin-behineko kokalekua dute, hainbat zailtasun medio. Kokapena aldatuko den kasuetan, bando edo gutun bidez jakinaraziko zaie bizilagunei aurrez.