Urte eta erdi honetan hainbat gunetan zuhaitzak landatu dituzte, eta egoerak hala eskatu duenean kendu ere egin behar izan dira. Eta bide horretan, azken asteotan 100 zuhaitz berri landatzeko lanetan ari dira. Horietako zenbait, 20 bat, egoera txarrean eta ihartuta dauden zuhaitzak ordezkatzeko landatuko dira.
Ordezkatuko den zuhaitzetako bat abenduaren hasieran, haizete batek adarra hautsi zion liburutegi atzeko zuhaitza izango da. Egoera onean zegoen 45-50 urte arteko zuhaitza. Baina haizeteak adar haundienetako bat hautsita oreka galdu eta erortzeko arriskuan zegoen, eta kendu egin zen, herritarren segurtasuna bermatzeko. Zuhaitz hura Artea berri batekin ordezkatuko da.
