Santo Tomasetatik hasi eta Errege Bezpera bitartean Gabonetako ekintzaz beteta izan da Azpeitiko agenda. Olentzero eta Mari Domingiren etorrera, Bandaren eta bestelako kontzertuak, Gabonetako haur parkea, haur eta gaztetxoentzako ekintzak, zinema eskaintza eta Erregeen kabalgata ospatu dira: "Ekintza guzti-guztiak ondo joan dira, eta eskertzekoa da, batez ere, Olentzero eta Mari Domingiren eta Erregeen Kabalgata antolatzeko herriko eragile eta norbanakoek erakutsitako inplikazioa. Bakoitzak bere aldetik ahal duena eginda ekintza guztiak giro onean joatea lortu dugu, eta oso pozik gaude", zehaztu du Mikel Ibarzabal Festa batzordeburuak. Hala, herriko ikastetxe guztiak, Udal Musika Banda, Itsasi, Bertan, Juan Antxieta Musika Eskola, Burdinbidearen Euskal Museoa eta kabalgatarako gozokiak eman dituzten guztiak eta beren borondatez antolaketa lanetan aritu diren norbanako guztiei beren esker ona adierazi nahi die Udalak.
Gabonetako ekintzetan lagundu duten guztiei eskerrak eman nahi dizkie Udalak
- 2018/01/08
Azpeitiko Udalak era batera edo bestera Gabonetako ekintza berezietan lagundu duten guztiei eskerrak adierazi nahi dizkie. Ekintza guztiak arrakastatsuak izan dira eta giro onean egin dira, eta herritarrek erakutsitako eskuzabaltasuna eskertu eta balioan jarri nahi du Udalak.