Azken urteotan bezala, Udaleko zein Loiolako liburutegiko arduradunek akordioa egin dute, eta ikasleentzat irekita da azterketa garaian liburutegia: "Ikasle askok dute Loiolako liburutegira ikastera etortzeko ohitura. Azterketa garaian asteburutan irekitzeko eskaera egiten dute, eta Udalak Santutegiak bezalaxe zerbitzu hori eskaintzeko ahalegina egiten du", azaldu du Leire Goenaga hezkuntza zinegotziak.
Azken asteburuetan irekita izan da, eta datorrenetan ere horrela izango da. Hala, abenduaren 30ean, urtarrilaren 6 eta 7an eta 13 eta 14an izango da irekita. Asteburutako ordutegia honakoa izango da: 9:00etatik 13:00etara eta 15:30etatik 19:00etara. Liburutegitik gogorarazi nahi dute ikasgelak ikasleentzat bakarrik egongo direla zabalik. Beraz, ikerketa edo liburu eskaerak, astelehenetik ostiralera egin behar dira. Sartzeko, liburutegiko karneta beharko da eta ohi bezala, sarreran zenbakia idatzi behar da.
