Herriguneko sistema ezartzerako lanketa ere aurrera doa. Mankomunitateak eta Udalak zehaztu dituzte edukiontziak jartzeko lekuak. Aste honetan etxe-atari bakoitzean jarriko da hondakinak zein edukiontzitara bota beharko dituen. Norbere puntuaren inguruan iradokizunen bat egin nahi duenak aukera izango du. Idatziz eskaera egin beharko dute udaletxean edo Urola Erdiko Mankomunitatean, etxepeko administradorearen bidez, azaroaren 24rako, eta erantzuna abenduaren 7rako emango zaie. Banaka jarritako eskaerei edo epez kanpo aurkeztutakoei sistema aldatu ondoren erantzungo zaie.
Horretaz gain, ordea, herriguneko sistema ezartzeko merkatari, ostalari, komertzio zein elkarteetako bilerak egiten ere ari dira azken egunotan. Eta segidan, bileretara etorri ez diren establezimenduetara bisitak egiten hasiko dira hezitzaileak.k