Urola Erdiak urteak daramatza energia burujabetasunaren alde lan egiten. Horretarako egin zen planean hainbat erronka jasotzen dira, horien artean eraginkortasuna eta aurrezkian oinarritutako kultura energetiko berria bultzatzea eta ahultasun energetikoa murriztea daude.
Etxe Argia izateak zer da?
Ekimen honetan parte hartu nahi duten etxeei, lehenik eta behin, bisita energetikoa egingo zaie, hau da, pertsona bat etxera joango da eta haiekin batera zer nolako energia kontsumoa duten aztertuko da.
Informazio horretan oinarrituta, energia plan pertsonalizatua egingo zaie, non kontsumoa murrizteko eta eraginkorragoa egiteko ekintzen proposamenak emango zaizkien. Lau hilabete emango dira ekintza horiek martxan jartzeko eta, denbora horretan, hainbat aholku eta jardunbide on azalduko zaizkie.
Azkenik, lau hilabete ondoren, etxebizitza bakoitzaren emaitzak aztertuko dira eta etxe bakoitzak bere emaitzak azaltzen dituen txostena jasoko du.
Nola egin Etxe Argia izateko?
Ekimenean parte hartzea erraza da eta bide ezberdinak ireki dira izena emateko: 943 02 60 69 telefonora deitu daiteke (Iraurgi Berritzen), Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. posta elektronikora idatziz ala norberaren udaletxean ere eman daiteke izena
Izena emateko epea azaroaren 15ean amaituko da.
OHARRA: ekimenerako kontsumo datuen jasoketa on-line plataforma batean oinarrituko denez, ezinbestekoa da posta elektroniko eta Interneterako konexioa izatea.