Abenduaren 3an, 'Go!azen 4.0' antzezlanaren estrenaldia izango da Soreasu Antzokian. Aurrekoa bezala, umorez beteriko antzerki obra musikala da hau ere. Telebistan ikusten diren istorio eta gorabeherak laburtu eta moldatuko dituen ikuskizuna.
Azpeitian bi saio izango dira abenduaren 3an, 11:30ean eta 16:30ean. Bihar, azaroak 8, 200 sarrera jarriko dira salgai Internetez (www.kulturaz.eus, 11:00etan), 100 saio bakoitzerako. Eta, ostegunean, 17:00etatik aurrera Soreasuko leihatilan jarriko dira salgai gainontzekoak (sarrera 7€). Pertsona bakoitzak ezingo ditu 6 sarrera baino gehiago erosi.