Gaixotasun arraroen ikerketan jarraitzeko diru bilketaren baitan jarri dute orain artean liburutegian eta igerilekuan zeuden edukiontziez gain, udaletxe azoikoa. Hiru edukiontzi horietan zein eskualdean edo Gipuazkoan biltzen dituzten tapoiak Lapatxen, edukiontzi haundiagoan biltzen dituzte. Ondoren, birziklapen enpresek erosi eta diru hori ikerkuntzara bideratzeko.
Eneko Etxeberria alkatearen hitzetan, "keinu txiki berri" horrekin Elkartasuna eta Itxaropena elkartea lagundu nahi dute. "Gaixotasun arraroen ikerketan sakondu nahi du, batez ere, eta Udalak keinu bat egin nahi izan du. Horregatik ditugu edukiontziak herrian, eta herritarrak horietan tapoiak uztera gonbidatzen ditugu. Keinu txiki batekin adierazten da elkartasuna, eta uste dut oso garrantzitsua dela denok kontzientzia hartzea, gaixotasun arraroak dituzten pertsonei laguntzeko".
Sergio Gomez elkarteko lehendakariak eskerrak eman dizkie kanpainaren aurkezpenean izan diren udaletako ordezkariei, Gipuzkoako herritar guztiei eta gaixotasun arraroen ikerketan buru-belarri dabiltzan Biodonostiari eta Biocrucesi.
