Egunero jendea izan da parkean, eta opor garaiko bero egunetan igerileku edo hondartzaren alternatiba ere izan da parkea askorentzat: “Bero egunetan jende asko etorri da parkera, bai herritarrak eta baita inguruko herrietako bizilagunak ere”, adierazi du Josu Labaka zinegotziak. Ur-txorroak dira, batez ere, gaztetxoentzat erakargarri: “Poztekoa da herritarrentzako erabilgarri jarritako gune berri batek horrelako harrera izatea eta haur zein heldu bertan ikustea eguna joan eta eguna etorri", azaldu du..
Hobekuntzak
Parkearen erabilerak, aldaketa txiki batzuk egin beharra ekarri du, parkea hobetzeko. Hala, adibidez, ur-txorroen ondoan zegoen hondarrak ura zikintzen zuela ikusita, lekuz aldatu zen abuztuan.
Orain hotza eta eguraldia okertzen hasteko garaia dela aurreikusita, aste honen bukaeran, igandean itxiko dira ur txorroak, datorren udaberrira arte.