Inflexio puntu baten ostean, zenbait aldaketarekin, eta indarberrituta egin da bekarako deialdia. Ekainean aurkeztu zuten Lagun Onak Mendi Bazkunak eta Azpeitiko Udalak, lehen horrek bekaren inguruan zehazki, baina gaur egungo mendizaletasunak eginiko ikerketa. Lan horren harira, zenbait aldaketa egin dira bekan, eta Joxe Takoloren izena eta izana daraman bekaren zabalkundean eragiteko neurriak hartu dira.
Bekaren irizpideak
Aurtengo deialdiko proiektuak baloratzeko irizpideak honakoak izango dira:
— Egin nahi den jardueraren kalitatea.
— Entitateak bere jarduera-eremuan agertu duen ibilbidea, jarraipena eta egonkortasuna.
— Partaide-kopurua eta jardueraren iraupena eta zabalkundea.
— Jardueraren finantziazioa.
— Jarduera antolatzeko azpiegitura eta giza-baliabideak.
— Kirol eta gizarte-mailan jarduera horrek duen interesa.
— Antzeko kirol programa edo eskaintzarik ez egotea.
— Jarduera hori kualifikatutako pertsonal teknikoak garatzea.
Proiektuaren aurkezpena
Proiektuak aurkezteko azken eguna irailaren 30a izango da. Eskari-instantziak, Azpeitiko Udalaren erregistroan aurkeztu beharko dira, irailaren 30rarte behar bezala beteak, eta ondoren zehaztutako agiriekin batera:
1.— Diruz laguntzea eskatu den proiektu edo jardueraren ardura duen ordezkari edo pertsonak eskari-instantzia ofizialaren atal guztiak bete beharko ditu, eta horri Nortasun Agiriaren fotokopia erantsi eta proiektuan partaide izango direnen federazioko baimena.
2.— Egin nahi den proiektuaren Oroitidazkia, hari dagokion aurrekontuarekin batera, bai paperean baita euskarri informatikoan ere.