Duela zenbait urtetatik Azpeitiko Udala bere egunerokoan integrazioarekin duen konpromisoa sendotzeko lanean ari da. Hala, Atzegirekin elkarlanean Pauso Berriak programaren bidez hainbat herritar lan munduan integratzeko baliabideak eta konpromisoa hartuak ditu. Orain berritutako hitzarmen horren bidez, Ander Alberdik, azken urteotan bezala, igerilekuko bere lanean jarraituko du, beste urtebetez. Alberdiz gain, Maddi Gurrutxaga ere udaletxeko sarreran ari da lanean Atzegik eta Udalak duten kolaborazioari esker.