Abuztuan turista, bisitari eta herritarrentzat Azpeitiko historia eta ondarea ezagutzeko aukera izango da. Astearte eta igandetan Azpeitiko "almendra" edo Alde Zaharra ezagutzeko bisita gidatuak izango dira, doan. Asteartetan 11:30ean hasiko dira bisitak eta igandetan 12:30etan; bi egunetan Azpeitiko Turismo bulegotik abiatuko dira. Horretaz gain, parrokia ezagutu nahi dutenentzako aukera izango da egunero 12:30etatik 14:00etara bitartean irekita izango baita.
Azpeitiako ondarea, nahieran ezagutzeko aukera
Ohiko ordutegi eta bisita gidatuez gain, Azpeitia nahieran ezagutzeko aukera ere eskainiko du Turismo bulegoak. Taldeek bisita gidatua nahi dutenean egiteko aukera izango dute, aurrez turismo bulegoarekin harremanetan jarri eta eguna eta ordua adostuta. Horretaz gain, edonork aurrez turismo bulegoarekin adostuta Madalenako ermita eta ospitalea ezagutzeko aukera ere izango dute.
Turismo bulegoa irekita, asteartetik igandera
Plaza txikian dagoen Azpeitiko turismo bulegoa asteartetik igandera bitartean egunero izango da irekita udan. Bertako ordutegia honakoa da: asteartetik larunbatera 10:30etatik 14:00etara eta 16:30etatik 18:30etara. Igandetan 11:00etatik 14:00etara. Bulegoarekin harremanetan jartzeko Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera idatzi edo bulego ordutegian 688874861 telefono zenbakira deitu daiteke.
Turismo informazio interesgarriena azaleratzeko, Perez Arregi Plazan informazio panelak ere jarri ditu Udalak, bisitari eta turistentzat interesgarri izango delakoan.
