Goizean goiz, elkarrekin azoka plazan bertan gosalduz ekin diote baserritarrek egunari, azoka plaza berritzeko prozesuan elkarlanean aritu diren baserritar eta udal ordezkariek. Urtebeteren ostean, berriro azoka plazan dira. Azoka plaza berrian, ordea. Kokaguneaz eta esentziaz gain, ezer gutxi dute komunean azoka plazaren iraganak eta orainak.
"Pozik" dira baserritar eta "pozik" dira udal ordezkariak. Goiz "polita" izan da guztientzat. Plaza berria estrenatzeaz gain, emankorra izan delako baserritarrentzat. "Baserritarrek goiz polita eta ona izan dela esan digute. Polita, azoka plaza berrira itzuli direlako, eta ona ohi baino jende gehiago eta desberdina ibili delako", adierazi du Josu Labaka zinegotziak. Beraz, azoka plazaren hasierako balorazio "oso positiboa" egin du.
Argazki galeria ikusteko klikatu irudian.