Azpeitiko Udalak ekonomia suspertzeko erronkari duela bost urte heldu zion, eta ordutik milioi bat euro inbertitu du urtero. Ekonomia indartuz langabeziari aurre egiteko Udalak jarritako baliabideetan bi dira garrantzitsuenak, alde batetik, formazioa eta bestetetik sustepen ekonomikorako plana. Lan munduratzearekin lotutako ikastaroetan, saioak bukatu eta zuzenean lanean hasten direnen kopurua handia da. Eta sustapen ekonomikorako laguntzetara ere gero eta proeiktu eta enpresa gehiago aurkezten dira, bai inbertsioren bat egin asmoz edota langileak kontratatzeko helburuarekin.
“Hilabetez hilabete datua jaisten joateko lan egin dugu, eta horretan jarraituko dugu. 630 langabetu gehiegi dira, lan egin nahi duen langabetu bakarra ere ezin dugu onartu. Horretaz gain, langileen lan baldintzak ere asko hobetu beharra dugu” azaldu du Eneko Etxeberria alkateak.
Azpeitiko Udalak bide onetik doala uste du, baina hala ere, lan handia du aurretik oraindik. Aurrera begira ere, “herriko industria zaintzeko” konpromisoa du.