wrapper

Oharrak

Albiste Nabarmenduak

  • Urrestillan oinezkoen pasabide berria egiten ari da eta lokala erosi du Udalak
    Urrestillan oinezkoen pasabide berria egiten ari da eta lokala erosi du Udalak
    Denon artean prozesuaren baitan, azken hilabeteotan Azpeitiko Udalak Urrestillan aurrera eman dituen hainbat konturen berri emateko elkartu dira Aitor Bereziartua eta Estitxu Elduaien zinegotziak Urrestillako batzordearekin. Alde batetik, orain artean nahiz eta erabilera publikoa izan arren, Udalak Elizari alokatuta zuen Kale Txikia 9 zenbakiko lokala erosi duela jakinarazi zien. Azken hilabeteotako negoziazioen ondoren, lokal hori Udalak erosi du 65.000 eurotan. Read more...
  • Egin errenta aitorpena euskaraz
    Egin errenta aitorpena euskaraz
    2016ko errenta aitorpena egiteko kanpaina ate joka ari da Araban, Bizkaian, Gipuzkoan eta Nafarroan, eta Azpeitiko Udalak Udalerri Euskaldunen Mankomunitatearekin elkarlanean, errenta aitorpena euskaraz egiteko kanpaina jarri du abian, aurten ere. Gipuzkoako Foru Aldundiaren datuen arabera, iaz Azpeitian 7.541 errenta aitorpen egin ziren, eta 3.027 egin ziren euskaraz, %40a pasatxo. Read more...
  • Bisitarien gorakada Azpeitiaren aniztasunak erakarrita
    Bisitarien gorakada Azpeitiaren aniztasunak erakarrita
    Behin turista gehienek maleta egin eta beren lekuetara itzuli ondoren, Aste Santuko balantzea egitea dagokigu. Datu orokorrek, geneuzkan aurre sentsazioak baieztatzen dituzte eta bataz beste ehuneko 25eko igoera izan da bisitarietan. Azpeitiak eskaintzen dituen aukeraz gozatu dutenak Estatu eta Euskal-herriko hainbat puntutatik etorri direnak izan dira nagusiki; umedun familia gazte eta adindun taldeak lagun giroan gehienak. Tren Museoa bisitatu dute askok, Lasaora joanez, bere baporezko trenean. Era berean, ia 600 lagunek tren turistiko bereziaz goza ahal izan dute: bidai gidatuak izan dira, herrian zehar. Loiola eta herriko gune historikoaren ondarea ezagutzeko medio paregabea suertatu da. Ingurugiro Museoa eta Igarako errota ere ezagutuz.Bestelako esperientzia baten bila etorri direnentzat berriz, Loiola, Madalena eta parrokiko guneak puntu erakargarrienak izan dira. Epe motzeko egonaldiak izan arren, azpimarratzekoa da 10% igo dela ostatu eskaera, eta bisitari mugimendu honek, herriko hotel, landetxe eta ostalaritzaren alorrean izan duen eragin ekonomiko positiboa da. Azpeitiko Udalak estrategikotzat dauzka turismo alorra, eta hau dena kontuan hartua eramango ditu aurrera proiektu eta ekintza guztiak.

Gizarte zerbitzuak sub

Emakumeenganako indarkeria

Babeserako agindua eskatzea

Emakumearen babeserako agindu judiziala eskatuko da, hala eskatuz gero. Agindu horren bidez, emakumea babesteko neurri zibil eta penalak hartuko dira. Eskaria modu azkar eta errazean egiten da.

Indarkeria jasaten duten emakume orok eskatu ahal izango agindu judizial hori, eta salaketaren balio bera izango du dokumentuak:

Babeserako gaindu judiziala honako tokietan eskatu daiteke: Azpeitiko Gizarte zerbitzuen sailean (udaletxeko bigarren solairua), Udaltzaingoan, Hertzaintzaren komisarian, edo epaitegian.

Aholkularitza juridikoa

Tratu txarrak edo indarkeria jaso duen pertsonari aholkularitza judiziala eskainiko dio zerbitzu honek.

Udaleko Gizarte zerbitzuetan eskatu daiteke, eta Hertzaintza edo gainerako polizien bulegoetan ere, salaketa jartzerako orduan.

Aldi baterako ostatua

Indarkeriaren biktima izan diren pertsonak noraezean gelditzen diren kasuetan, aldi baterako ostatua eskaintzen die Udalak. Etxebizitza horiek errentan emango dira, eta gehienez lau hilabeterako.

Etxebizitza emateko baldintzak:

  • Familia gatazka larria izatea.
  • Gizarte zerbitzuek hala eskatzea.

Aldi baterako ostatua lortzeko eskaria Azpeitiko Udaleko Gizarte zerbitzuen sailean egingo da, udaletxeko bigarren solairuan.

Laguntza psikologikoa

Indarkeria eta tratu txarrak jasan dituzten emakumeei laguntza psikologikoa eskainiko zaie.

Zerbitzu hau Azpeitiko Udaleko Gizarte zerbitzuen sailean eskatu behar da, udaletxeko bigarren solairuan.

24 orduko telefono bidezko arreta

900 840 111 telefono zenbakia indarkeriaren biktima nahiz euren senitartekoentzat zabalik dago, eguneko 24 ordutan. Entzun, informatu, eta aholkuak emango dituzte telefonoa hartzen dutenek.

2017 - Azpeitiko Udala.
ElkarMediak garaturiko webgunea

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information