wrapper

Oharrak

Gizarte zerbitzuak sub

"Portaeraren nahasmena lantzeko programa" ikastaroa antolatu du Udalak

Azpeitiarrei formatzeko aukerak eskaintzen jarraitzen du Udalak. "Hiri hondakin eta hondakin industrialen kudeaketa" eta "Mendeko pertsonen arreta soziosanitarioa erakunde sozialetan, Etxez etxeko laguntzaile eta janari erabiltzaile" ikastaroak antolatu ondoren, Azpeitiko Gizarte Zerbitzuak sailak "Portaeraren nahasmena lantzeko programa" ikastaroa prestatu du, Lahar elkartearekin batera. Ikastaroa urriaren 27 eta 29an eta azaroaren 3an izango da, 17:00etatik 20:15era, Sindikatu Zaharreko gela handian. Formakuntza saio berria menpekotasun zaintzaileentzat, familiakoentzat edo langileentzat zuzenduta dago eta bertan, Dementzia, motak, sintomak eta eboluzioa, Pertsonaren portaera, Pauta konkretuak arazo espezifikoen aurrean eta Beste arazo egoeren aurrean batik bat pertsona nagusien harremanetan, eta bereziki dementzia kasuetan, nola egin aurre gaiak landuko dira. Interesatuek urriaren 23 baino lehen eman behar dute izena Udaleko Gizarte Zerbitzuak sailean edota 943 15 71 92 telefono zenbakira deituta.

Gehiago irakurri

Mendeko pertsonen arreta soziosanitarioa erakunde sozialetan, Etxez etxeko laguntzaile eta janari erabiltzaile ikastaroan izena emateko epea zabaldu da

Azpeitiko Udal Gizarte Zerbitzuak sailak, Lanbiderekin batera, Mendeko pertsonei gizarte erakundeetan eta osasun arreta ematea, Etxez etxeko laguntzaile eta janari erabiltzaile formakuntza saioa antolatu du. Ikastaroko saio teorikoak azaroaren 2an hasiko dira eta apirilaren 27an amaitu, eta jarraian, saio praktikoak egingo dira ekainaren 24ra arte. Izena eman nahi dutenek urriaren 15 bitartean egin dezakete Lanbiden eta lehen mailako ikasketa ziurtagiria edota eskola-graduatu titulua aurkeztea ezinbestekoa izango da.

Gehiago irakurri

Izena eman daiteke “Hiri hondakin eta hondakin industrialen kudeaketa” ikastaroan

Azpeitiko Udalak, Lanbide Euskal Enplegu Zerbitzuarekin batera, "Hiri hondakin eta hondakin industrialen kudeaketa" ikastaroa antolatu du. Ikastaroa urriaren 22an hasiko da eta otsailaren 18an amaitu eta goizeko ordutegia izango du, 09:00etatik 13:15era. Behin saioak amaituta, sektoreko enpresetan praktikak ahalbidetuko dira eta ikasleak, SEAG0108 Profesionaltasun Ziurtagiria lortuko du. Dagoeneko izena eman daiteke, urriaren 7ra arte, eta horretarako, Lanbideko bulegora joan behar da edo web orrira sartu.

Gehiago irakurri

Azpeitia babes herria izango da Siriako errefuxiatuentzat

Siriatik ihesean ateratzen ari diren errefuxiatuak hartzeko eta laguntzeko babes herria izango da Azpeitia. Horrela erabaki zuen Udalbatzak, aho batez, atzo egindako bilkuran. Siriako eta gerrako errefuxiatuei laguntzeko pausoak aztertu ondoren, Azpeitiko Udala Euskal Herriko beste udal eta erakundeekin harremanetan jarri da modu koordinatuan lan egiteko."Azpeitiko Udalak eman nahi duen laguntza erreala izan dadin nahi dugu. Gure herria bakarrik alferrik ari dela badakigu, eta beste erekundeekin lan egin eta adostasun zabalak lortu beharko ditugu", agertu du Ainhoa Beristain Gizarte Zerbitzuetako zinegotziak. Era berean, herritarrekin bilera irekia antolatuko du datozen egunetan, babes herri gisa zer egin eta nola jokatu aztertu eta ekarpenak jasotzeko.

Hona hemen atzoko Udalbatzak onartutako adierazpen instituzionala;

Gehiago irakurri

Etxez etxeko laguntza osatua emango du Udalak, gaueko zerbitzua eskainiz

etxezetxeosatua

Mendekotasuna duten pertsonei ahalik eta zerbitzu osatuena eskaintzeko asmoz, Azpeitiko Udalak eta Iraurgi Berritzen agentziak elkarlanean garatuta, etxez etxeko zerbitzua gauez ere emango da abuztuaren 2tik aurrera. "Esperientzia pilotua da. Zerbitzua osotasunean eskaini behar dugu, menpekotasuna duenaren eta bere familiaren beharrak kontutan hartuz. Honela, igande gauetik hasi eta larunbat goizaldera arte, langileak etxez etxe pasatuko dira, laguntza behar duen pertsona nola dagoen ikustera, eta sor daiteken beharretan laguntzera", agertu du Gizarte Zerbitzuetako teknikari den Edurne Zubiak. Zerbitzua hamar bat herritarrekin abiatuko da baina parte hartu nahi dutenek izena eman dezakete oraindik ere, eta udaletxean egin behar da eskaria. Hilean 50 euro ordaindu beharko da.

Gehiago irakurri
2017 - Azpeitiko Udala.
ElkarMediak garaturiko webgunea

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information