wrapper

Oharrak

Gizarte zerbitzuak sub

Profesionaltasun agiria atera dute 26 lagunek

ikastaro bukaera

Azpeitiko Udalak Lanbideren diru-laguntzari esker profesionatasun agiria ateratzeko bi ikastaro egin ditu aurtengo ikasturtean. Hala, 26 lagunek bukatu dute ikasturtea titulua eskuan dutela. Aste honetan bertan egin da agirien banaketa, eta Ainhoa Beristain zinegotziak eman zizkien agiriak ikasleei.

Hiri eta industria hondakinen kudeaketari buruzko ikastaroa 11 lagunek egin dute; mendeko pertsonen arreta soziosanitarioa erakunde sozialetan emateko ikastaroa, berriz, 15 lagunek. Ainhoa Beristainek azaldu duenez, gainera, "poztekoa da, azken ikastaro horretako 15 lagunetik 10ek uda sasoirako behintzat lana bilatu dute, eta zenbait dagoeneko lanean hasiak dira".

Gehiago irakurri

Gaitasun mugatuko apakaleku txartelak berritu behar dira, arau aldaketa bat dela eta

Eusko jaurlaritzak aldatu berri duen araudi bat dela eta, gaitasun mugatuko aparkaleku txartela duten herritar guztiek berau berritu beharra dute lehenbailehen. Hori dela eta, Azpeitiko Udaleko gizarte Zerbitzuen Sailaetik txartela duten herritarrei aldaketaren berri eman eta txartela berritzeko egin beharrekoen berri emateko gutuna bidali zaie. Gutun horretan azaldu bezala, txartela berritzeko uztailaren 29a baino lehen Gizarte Zerbitzuen Sailetik pasatu behar dute, eta honako dokumentazioa aurkeztu behar dute:

1- Argazki bat

2- Kotxea gaitasun mugatua duenak gidatzen badu, bere beste argazki bat eta gidabaimenaren fotokopia.

3- Gaitasun mugatuko ziurtagiria

4- Eskaera egitera edota txartela jasotzera ordezkoren bat joan behar badu, ordezkarien orria beteta (gutunean bidali da) eta gaitasun mugatuko txartelaren jabeak sinatuta eta oredezkoaren NAN-a.

5- Eskaera orria sinatuta (gutunean bidalitakoa).

 

Gehiago irakurri

Sahararen aldeko kros solidarioa, igande honetan

DSC 0671

Iaz sortu zen ekimenari jarraipena eman, eta Tindufeko errefuxiatu kanpamenduetan duela hilabete gutxi izandako uholdeetako ezbeharrei laguntzeko, krosa antolatu dute Kooperazio taldeak, Xeye atletismo taldeak, XJ auzolanean elkarteak eta Khamar Sahararen aldeko elkarteak, datorren iganderako, Sanjuandegin. "Iaz, Nepalen izandako lurrikararen ondorioz sortu zen ekimena. Herrialde hori laguntzeko dirua biltzeko ekimenen bat egin nahi genuen eta Xeye atletismo taldeak proposatuta krosa antolatu genuen", adierazi du Maite Azpiazu Khamar taldeko kideak. Iazko esperientzia oso positiboa izan zen, eta ekimenari jarraipena ematea pentsatua zuten: "Asmoa urtero herrialde desberdin batera bideratzea da jasotzen dugun dirua. Aurten, uholdeek sahararren Tindoufeko errefuxiatu kanpamentuetan kalte izugarriak eragin dituzte, eta dirua hara bideratzea erabaki dugu", adierazi du.


Azpeitiko Udalak hiru elkarteek antolatzen duten krosaren antolaketan laguntzen du: "Ekimen polita da benetan. Haurren mila lasterketa egon daitezke, baina honetan elkartasunaren alde egiten dute. Elkarlanean eta elkartasunaren alde antolatutako lasterketa da eta erabat txalotzekoa da", adierazi du Eneko Etxeberria alkateak. Horrelako ekimen "txikiak" oso garrantzitsuak direla ere gaineratu du, "Saharak bizi duen injustizia salatzeko, ezkutua eta ahaztua nahi den errealitate bortitza azaleratzeko".

Gehiago irakurri

Herritar ororen gutxieneko beharrizanei erantzun ahal izateko, Udal-laguntzak

udal laguntzak

Krisi garaiak, ederki astindu ditu herritarrak. Langabezia dela, soldata edota pentsio baxuak direla-eta, herritarrek gizarte zerbitzuen bidez eman ohi diren diru-laguntzen premia hazi egin da, eta hori nabarmena izan dela azpimarratu du Ainhoa Beristain Gizarte Zerbitzuetako batzordeburuak, gaur prentsaurrean.

Egoera horren aurrean, Eusko Jaurlaritzak ematen dituen Gizarte Larrialdietarako laguntzek herritar ororen premia ez zutela betetzen ikusita eta "azpeitiar guztien gutxieneko bizi baldintzak bermatzeko ahaleginean, Udal-laguntza propioak sortu genituen", jarraitu du. Helburua nagusi gisa, "behar larrian dagoen inor bazterrean ez uztea" izan dela berretsiz. Azpeitiar guztien gutxieneko bizi baldintza bermatzeko konpromisoz sortu zirela udal laguntzak gogorarazi du, eta "konpromiso bera mantentzen dugu aurtengo laguntzak onartuta ere". Bide beretik segitzeko asmoa ere azaldu du.

Gehiago irakurri

Baigerako urteko batzarrean izan ziren Udal ordezkariak

baigerako batzarra

Pasatu den apirilaren 7an Baigera Azpeitiko jubilatu eta pentsiodunen elkartearen urteko Batzar Orokorra egin zen, eta Ainhoa Beristain Gizarte Zerbitzuetako Batzordeburuak eta Eneko Etxeberria alkateak bertan egon nahi izan zuten egindakoari errepasoa eman eta etorkizuneko erronken berri izateko.

Ohi bezala, 2015. urtean Baigerak gauzatu dzituen ekintzen eta kontuen berri eman zen eta  hemendik aurrerako asmo eta helburuei buruz ere aritu ginen eta bazkideen iritzi-proposamenak ere jaso zituzten. Bukatzeko, Zuzendaritza Batzorde berria osatu zen. Azpeitiko Udalak, orain artean lanean aritu direnei egindako lana eskertu eta batzorde berriarekin ere elkarlanean aurrera begirako erronkei heltzeko konpromisoa azaldu nahi du.

Gehiago irakurri
2017 - Azpeitiko Udala.
ElkarMediak garaturiko webgunea

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information