Dena prest Korrika Txiki ekimenerako

Bihar, martxoak 18, asteazkena, 16:00etan abiatuko da  KORRIKA TXIKIA. Herriko kaleetan zehar korrika ibili ondoren, Olazko Amaren plazan amaituko da eta bertan, Korrikako mezuaren irakurketa egingo dute herriko hiru ikastetxetako ikasleek. Gainera, festa luzatzea nahi izan da eta horregatik, 17:00etatik aurrera, Olazko Amaren plazan merienda banatuko da. Giro ederra sortuko da musika eta pilazoen emanaldiarekin. Beraz, animatu eta hartu parte Korrika Txikian. Eguraldi txarra egiten badu, arduradunek aurreratu dutenez, merienda eta ikuskizuna Soresu Antzokian egingo dira.

Ibilbide zehatza honako hau izango da:

Gehiago irakurri

Euskara babesteko mozioa aho batez onartu du Udalak

Martxoko ohiko Udalbatza egin zuen atzo, asteartea, Azpeitiko Udalak. Bertan, Udalerri Euskaldunen Mankomunitateak (UEAMk) sartutako mozioa landu zuen Udalbatzak, non Espainiako Gobernuaren ordezkaria Udalen aurka agertu dela azaltzen den udaletxeek hainbat zerbitzu euskara hutsean eskaintzeagatik. Honela, Azpeitiko Udalbatzak aho batez onartu zuen mozioa.

Gehiago irakurri

Azpeitia, Lurraldea eta Hizkuntza. Erronkak & Tresnak II. Jardunaldian

Lurraldea eta Hizkuntza. Erronkak & Tresnak II. jardunaldiak egingo dira gaur eta bihar Donostian UEMAk, Kontseiluak, Gipuzkoako Foru Aldundiak eta UEUk antolatuta. Jardunaldi hauek iaz egindako topaketa arrakastatsuen jarraipena dira, eta bertan hirigintza eta euskararen arteko harremanean gehiago sakondu nahi da. Pauso bat aurrera eginda, euskararen arnasguneak babestea ez ezik, bihotz-gune ezinbesteko horiek zabaltzea ere helburu duten ekimenei aterki juridikoa emateko oinarriak aztertu nahi dira bertan. Horrela, Azpeitiko herriak bere tartea izango du jardunaldietan. Arnasgune garrantzitsu izanik, bere esperientzia agertu da Eneko Etxeberria alkatearen eskutik.

Gehiago irakurri